Publicado en NATURA

Asturies recupera al pigargo européu, una rapaz escastada dende’l sieglu XIX n’España

Nueve exemplares llegaos de Noruega van vivir nun xaulón de grandes dimensiones en Pimiango, dientro d’una iniciativa que pretende reintroducilos na península.

Nueve pigargos europeos, un ave rapazu de grandes dimensiones y escastada na Península Ibérica dende’l sieglu XIX, van vivir dende esti llunes nun xaulón de grandes dimensiones na localidá asturiana de Pimiango, una iniciativa cola que se va dar el primer pasu al proyectu de reintroducción de la especie n’España a partir de los exemplares llegaos de Noruega.

Los animales, tres un periodu d’aclimatación a la zona nel que van vivir xuntos por que puedan socializar ente ellos y ser controlaos por técnicos del Proyectu Pigargo, van ser lliberaos dempués con un pequeñu emisor GPS para monitorizar los sos movimientos nuna primer fase esperimental de dos años na que se van ensayar técniques de reintroducción.

Darréu prevese soltar una ventena d’exemplares nun períodu mínimu de siete años con cuenta de se estableza nel futuru xuna población reproductora de la especie n’España, según informó l’Asociación Grefa, que collabora nel proyectu al pie de los gobiernos d’Asturies y Cantabria y al Ministeriu pa la Transición Ecolóxica y el Retu Demográficu.

Los pigargos europeos, los más grandes de la especie, cunten con un llargor que bazcuya ente 70 y 90 centímetros y xuna estensión de nales de 2 a 2,5 metros y trátase d’un ave sociable cola so propia especie anque d’adultos caltiénense solitarios o en pareya.

La especie ta asitiada dende Groenlandia hasta la mariña del Pacíficu d’Asia y se -y documenta dende’l nivel del mar hasta los 2.000 metros d’altitú y n’Europa vense nel Mediterráneu pero ye más frecuente al norte del continente, onde habita nes mariñes y nes proximidaes de los depósitos y cursos d’agua y aliméntase de pexes y aves acuátiques.

N’España considerase a la especie escastada dende’l sieglu XIX anque’l Llibru Coloráu de les Aves señala que se rexistró en cuatro ocasiones la so presencia na Albufera de Valencia (1887 y 1916), Castellón (1942) y Delta del Ebro-Tarragona (1953), pero siempres se refier a exemplares solitarios que fueron cazaos.

El pigargo va convertise asina en protagonista d’una de les primeres reintroducciones d’una especie incluyida nel llistáu d’especies escastaes en tol mediu natural español, xuna relación aprobada n’agostu de 2018 qu’inclúi animales y plantes que, en sumiendo nel pasáu, pueden ser oxetu de proyectos de reintroducción autorizaos poles alministraciones.

Los nueve pigargos, nacíos anguaño en Noruega, xuna de les rexones que cunta coles meyores poblaciones europees d’esta especie, van ser lliberaos na contorna oriental d’Asturies cuidao que la mariña cantábrica foi xuno los territorios más frecuentaos pola especie antes d’escastase y que tien les característiques climátiques más similares a les zones onde viven les sos mayores poblaciones.

Al allugar xuntu con Rusia les meyores poblaciones europees de pigargo, Noruega convirtióse n’esportador d’exemplares pa proyectos de reintroducción n’otros países con poblaciones precaries o extintas de la especie lo que dexó qu’esi procesu tea llevándose a cabu yá en países como Escocia ya Irlanda.

El del pigargo européu ye’l segundu proyectu de reintroducción d’una especie estinta que se desenvuelve n’Asturies tres el del frangüesos nel Parque Nacional de los Picos d’Europa.

Cola autorización de l’autoridá ambiental de Noruega (Norwegian Environment Agency), los mozos pigargos llegaron a España n’avión el pasáu 29 de xunu y fueron recoyíos nel aeropuertu de Madrid-Embaraxes por un equipu de GREFA que los sometió a una revisión veterinaria nel so centru de recuperación de fauna selvaxe de Majadahonda (Madrid).

«Foi un momentu bien emocionante dempués de más de trenta años naguando por el regresu del pigargo a España. Tamos énte una oportunidá única pa xenerar dinámiques positives en favor del caltenimientu y la protección de les mariñes, les güelgues y los montes onde vive esta maxestosa águila», según señaló’l presidente de GREFA, Ernesto Álvarez.

Nos sos 40 años d’esistencia la organización conservacionista fixo posible yá recuperación en diversos puntos d’España y d’Europa d’especies emblemátiques y amenaciaes como la utre negra, la águila imperial, la águila de Bonelli, la peñerina primilla y el galápagu européu, informa Efe.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *