Publicado en Día de...

Día Internacional del Xuegu

El xuegu ye una actividá fundamental na vida para cualquier persona, danos beneficios a toles edaes y ayúdanos a faer que la nuesa crecedera sía más equilibráu. Y por toos estos motivos celebramos el día 28 de Mayu’l DÍA DEL XUEGU. Un día nel cual VAMOS XUGAR, vamos prestanos, vamos aprender y vamos dexar volar la nuesa imaxinación.

Xugar ye un drechu, non un premiu!

Xugar ye una actividá universal, xugóse, xuégase y va xugase a toles edaes y en cualquier cultura del mundu. Xugar déxanos ser bonales, podemos aprender faciendo, esperimentamos nel marxe d’erru, aguiya les nueses emociones, dexa interrelacionar y aporta bien de beneficios más que tenemos que tener siempres presentes.

Xugar tamién ye una actitú esistencial, una manera particular d’encetar/aboradar la vida, una manera d’utilizar la nuesa mente, un invernaderu nel cual combínense pensamientu, llinguaxe y fantasía.

Y xugar ye un derechu. L’artículu 31 de la Convención sobro los Derechos del Neñu asina s’espresa «el derechu del neñu al descansu y al esparcimientu, al xuegu y a les actividaes recreatives propies de la so edá y a participar llibremente na vida cultural y nes artes«. La iniciativa del Día Internacional del xuegu nació dende l‘Asociación Internacional de Ludotecas (ITLA) el 1999. La Fundadora d’esti día ye la Dra. Freda Kim, dende 2008, este ye un día que se celebra en 40 países alredor del mundu y cada vez se suman más. Amás ye’l 28 de mayu porque esti día constituyóse formalmente con acta constitutiva la ITLA, el que fai que la fiesta tenga antecedentes y hestoria.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *