Publicado en Pallabreru

Pallabra del añu: «Vacuna»

Si hubiera que resumir el 2021 n’una sola palabra, esa sería, ensin dulda, «vacuna». Por eso, y polo que significó para tol planeta, tenía que ser la palabra del añu para la FundéuRAE.

Pasó un añu desque la palabra que tantu esperamos mientres 2020 fixérase realidá. Fai 365 díes, les imaxes qu’amosaben a los primeres vacunaos de cada país anubrieron les televisiones y los periódicos de too el mundu. El 8 d’avientu de 2020, el fin de la pandemia taba un pasu más barganal: la británica Margaret Keenan, de 90 años, recibía la primer vacuna validada pola Organización Mundial de la Salú (OMS).

Poques vegaes deseyáramos tantu que seis lletres se tresformaren en daqué tanxible, anque’l camín hasta consiguilo nun foi fácil: el so desenvolvimientu, repartida y alministración a millones de persones foi —y sigue siendo— un enorme retu. Pero, 12 meses dempués, alministráronse más de 8300 millones de dosis en tol mundu, según los datos de la OMS.

El sentimientu que nos remembraba esta palabra camudó a lo llargo d’anguaño. Primero foi un símbolu d’esperanza que marcaba’l principiu del fin de la pandemia. Col tiempu, esa esperanza convertiose n’una normalidá nueva na que les inyecciones y les llargues coles frente a los vacunódromos yeren lo habitual. Agora, tres dellos meses nesta situación, tornen les restricciones, encamiéntense dosis adicionales y surden nueves variantes. La voz vacuna ye güei un recordatoriu de qu’el SARS-CoV-2 persiste, de que nun tenemos de confiar nos.

Había dos grandes motivos por que la FundéuRAE escoyera vacuna como la so palabra del añu 2021. Unu d’ellos foi’l so interés llingüísticu, requisitu que toa candidata tien de cumplir. El conceutu de vacuna naz nel sieglu XVIII, cuando un médicu inglés afayó que los infectaos pola viruela bovina o vacuna quedaben protexíos de la viruela humana. Y esa relación coles vaques acompañó a la palabra desque entró per primer vegada nel diccionariu académicu, en 1803. La so única acepción entós yera ‘ciertu granu o viruela que sale a les vaques nes tetes cuando les caten ensin llavase les manos los que tocaron el gabarro de los caballos’.

Para atopar el so significáu actual, hai qu’esperar hasta la edición de 1914 del Diccionariu, nel que, amás del so yá habitual acepción relativa a les vaques, incluyíase otra: ‘cualquier virus o principiu orgánicu que, convenientemente preparáu y inoculado en persona o animal, caltien d’una enfermedá determinada’. Y asina se caltuvo, con llixeros cambeos, hasta llegar a l’acepción que güei recueye’l Diccionariu de la llingua española: ‘preparáu d’antígenos que, aplicáu a un organismu, provoca nél una respuesta de defensa’. Trátase de la sesta acepción, yá que, faciendo honor a la so hestoria, los cinco anteriores tán acutaes para les vaques.

L’otru gran motivu pol que ye la palabra del añu para la FundéuRAE ye, obviamente, la so presencia diaria tantu nos medios de comunicación como na mayoría de los ámbitos. La pandemia lleva dos años monopolizando la información, polo que surdieron gran cantidá de duldes, tracamundios y nuevos términos. Por ello, la Fundación dedicó al coronavirus y a les sos consecuencies más de 100 encamientos.

La FundéuRAE recordó que vacuna nun ye lo mesmo qu’antídotu, sueru, inmunización o biolóxicu; que los neoloxismos vacunódromo y vacuguagua son correctos, y que inocular ya inyectar nun signifiquen lo mesmo. Tamién esplicó cómo s’escriben los nomes de les vacunes, que la concordanza fayadiza ye puntos de vacunación masiva (non masivos) y que tripanofobia ye un conceutu fayadizu para faer referencia al mieu irracional a les inyecciones, ente munches otres cuestiones.

Entá queda camín por andar y, posiblemente, tamién encamientos llingüísticos que faer sobro les vacunes. Nel deséu de toos ta poder ver que la esperanza que nos traxo esta palabra, esi principiu del fin de la pandemia, conduznos hasta’l verdaderu final. Asina, dempués de confinamientu (2020) y de vacuna (2021), la palabra del añu de 2022 va poder ser bien distintu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *