- Fonte: Blogue «L’horru de vapor». V. Gª Oliva
- Ficha llibru / Autores varios / 18 €
Engranes, vapor, cables, pistones, tuerques, fábriques, mines, ferrocarriles… L’Asturies decimonónica y industrial tuvo d’esto a esgaya. Sicasí, nun surdió equí una tradición propia de facer ciencia ficción. Xulio Verne fue’l padre de munches coses (amás d’un fíu y dos fiastres) con unes obres que tuvieren miles de llectores, allá pelos confines del sieglu XIX.
Anque les que se conocen nun pasen d’una quincena, la verdá ye que don Jules Gabriel Verne escribió cuasi cien noveles, media docena d’obres teatrales, rellatos, biografíes y una Xeografía de Francia de gran valir. Ente les noveles hailes d’estremaos xéneros destacando les que cinquen a l’aventura, nel sen más puru, a la ciencia-ficción, a l’anticipación o a la distopía, si ye que podemos considerar a too esto como xéneros diferenciaos. En gran parte d’elles apaecen elementos que dan marcu a la narración, como les máquines de vapor que taben principiando a tener la importancia que llueu tuvieron: engranes, vapor, cables, pistones, tuerques, fábriques, mines, ferrocarriles…
Tou esti mundu llevó a un piñu de xóvenes escritores, que se mueven al rodiu de la editorial «Radagast», a entrugase que, ¿cómo ye que n’Asturies, que comparte gran parte d’esi mundu «vernianu», nun surdió una tradición propia de facer ciencia ficción «victoriana»? Equí -siguen diciendo- nun país que tien pontes diseñaos por Eiffel, que tuvo miles de mineros, una montonera de fábriques y más ferrocarril por kilómetru cuadráu que la gran mayoría de paises europeos. Y ye cierto. Asina que, dicho y fecho, estos escritores (homes y muyeres) punxeron manes a la obra d’enmendar esi erru históricu, llanzándose a tapar eses carencies lliteraries, cola publicación d’una antoloxía de 12 cuentos que treslladen el mundu «vernianu» a les nuestres fronteres.
Dientro d’esos 12 autores hailos más o menos veteranos, ya inclusive dalgunos que debuten como talos pues nun teníen obra escrita anterior. Asina, el resultáu, como nun podía ser d’otru mou, ye irregular anque en toos ellos cimbla esi espíritu innovador y aventureru que definió al gran autor francés, amestáu por un simpáticu sentíu del humor qu’acompanga a delles de les histories (como exemplu, el mesmu títulu del llibru, «L’horru de vapor»).
Los entamadores de la iniciativa tuvieron el detalle de faceme partícipe d’esta aventura «ficcional» asturiana, pidiéndome una collaboración en forma de cuentu que ye’l qu’anicia l’antoloxía: «Un pasu más», ye’l títulu del mio cuentu, y quiciás ye un poco premonitoriu de les intenciones que tienen estes persones de dir avanzando nunos temes que, hasta va pocu tiempu, nun teníen un gran apreciu por parte de los «escritores serios» y de la crítica. En fin, como siempres digo, ellos se lo pierden. Y pa que conste, ehí va la llista de los autores de l’antoloxía a la que tengo l’honor de preceder. Por orde alfabéticu: Abel Martínez, Adrián Carbayales, Alma Hidalgo, Ana Pereira, Andrés Fernández, Aníbal González, Héctor Pérez Iglesias, Kai C. Torel, Nicolás Bardio, Vicente García Oliva, Xon de la Campa y Xurxo Diz Pico. Norabona a toos ellos y llarga vida a la editorial.
. Anque les que se conocen nun pasen d’una quincena, la verdá ye que don Jules Gabriel Verne escribió cuasi cien noveles, media docena d’obres teatrales, rellatos, biografíes y una Xeografía de Francia de gran valir. Ente les noveles hailes d’estremaos xéneros destacando les que cinquen a l’aventura, nel sen más puru, a la ciencia-ficción, a l’anticipación o a la distopía, si ye que podemos considerar a too esto como xéneros diferenciaos. En gran parte d’elles apaecen elementos que dan marcu a la narración, como les máquines de vapor que taben principiando a tener la importancia que llueu tuvieron: engranes, vapor, cables, pistones, tuerques, fábriques, mines, ferrocarriles…
Tou esti mundu llevó a un piñu de xóvenes escritores, que se mueven al rodiu de la editorial «Radagast», a entrugase que, ¿cómo ye que n’Asturies, que comparte gran parte d’esi mundu «vernianu», nun surdió una tradición propia de facer ciencia ficción «victoriana»? Equí -siguen diciendo- nun país que tien pontes diseñaos por Eiffel, que tuvo miles de mineros, una montonera de fábriques y más ferrocarril por kilómetru cuadráu que la gran mayoría de paises europeos. Y ye cierto. Asina que, dicho y fecho, estos escritores (homes y muyeres) punxeron manes a la obra d’enmendar esi erru históricu, llanzándose a tapar eses carencies lliteraries, cola publicación d’una antoloxía de 12 cuentos que treslladen el mundu «vernianu» a les nuestres fronteres.
Dientro d’esos 12 autores hailos más o menos veteranos, ya inclusive dalgunos que debuten como talos pues nun teníen obra escrita anterior. Asina, el resultáu, como nun podía ser d’otru mou, ye irregular anque en toos ellos cimbla esi espíritu innovador y aventureru que definió al gran autor francés, amestáu por un simpáticu sentíu del humor qu’acompanga a delles de les histories (como exemplu, el mesmu títulu del llibru, «L’horru de vapor»).
Los entamadores de la iniciativa tuvieron el detalle de faceme partícipe d’esta aventura «ficcional» asturiana, pidiéndome una collaboración en forma de cuentu que ye’l qu’anicia l’antoloxía: «Un pasu más», ye’l títulu del mio cuentu, y quiciás ye un poco premonitoriu de les intenciones que tienen estes persones de dir avanzando nunos temes que, hasta va pocu tiempu, nun teníen un gran apreciu por parte de los «escritores serios» y de la crítica. En fin, como siempres digo, ellos se lo pierden. Y pa que conste, ehí va la llista de los autores de l’antoloxía a la que tengo l’honor de preceder. Por orde alfabéticu: Abel Martínez, Adrián Carbayales, Alma Hidalgo, Ana Pereira, Andrés Fernández, Aníbal González, Héctor Pérez Iglesias, Kai C. Torel, Nicolás Bardio, Vicente García Oliva, Xon de la Campa y Xurxo Diz Pico. Norabona a toos ellos y llarga vida a la editorial.
