La plataforma patrimoniuindustrial.com, reconocida nos Premios Hispania Nostra
Va unos meses, los cineastes Marta Crestelo y Marcos Merino poníen en marcha un proyectu «online» pa documentar el legáu del patrimoniu industrial asturianu.
- Fonte noticia: RTPA / VER
- Patrimoniuindustrial.com
- Patrimoniu: Facebook / Twitter / Vimeo / mapa premiaos
Na web recuéyense güei más de 1.300 vídeos n’español, inglés y asturianu, con imáxenes de les principales localizaciones industriales del Principáu y testimonios de los sos trabayadores. L’oxetivu de la plataforma ye caltener la memoria d’un universu determinante na historia d’Asturies.
Pa llevar alantre’l proyectu ficiéronse xeres d’investigación, dixitalización y producción audiovisual, nes que participaron dellos profesionales asturianos.
El Xuráu de los Premios Nacionales Hispania Nostra acaba de reconocer el trabayu y el llabor divulgativu del proyectu con un Premiu Accésit. Esta reconocencia dexará reforzar la financiación del proyectu y amplificar el so algame.
El proyectu yá espertó l’interés de dellos investigadores internacionales. Los sos creadores siguen agora trabayando p’ampliar el conteníu d’esta fonte de conocimientu colectivu.