Publicado en Alimentos, Feries

Feria Agroalimentaria de Productos Ecolóxicos d’Asturies FAPEA

Selmana importante la qu’empieza güei… dempués d’un añu, volvemos abrir les puertes del meyor escaparate ecolóxicu d’Asturies.

Récord de reses y munches ganes nel regresu de la feria ecolóxica y el concursu de ganáu: “Somos un referente a nivel nacional”
Andrés Illescas

Miel en botes, tomates en cesta, granola en sobre y tou sobro meses. Vaques echaes en cortil, golor a cuchu y muxidos. Tou natural y na basta cortil ferial de Llanera, conceyu qu’ayeri empecipió una bella esaltación de la vida rural y les sos tradiciones, recuperando’l concursu esposición de ganáu vacuno y la feria de productos ecolóxicos Fapea. Con más reses que nunca, 410 y amenorgando los vendedores de productu natural –quedaron en 45– el conceyu decidió volver, tal que espresaba’l so alcalde na inauguración de dambos eventos: “Volvimos, porque quixímos volver. Escuses nun nos faltaren”.

Un ganaderu tira d’una de los sos reses nel arranque del concursu de ganáu, en Llanera. | A. I.

Pasaben pocos minutos de los diez de la mañana cuando’l ganáu yá desfilaba elegante pola cortil y, fora de les muralles, los productores d’alimentos ecolóxicos asitiaben los sos stands. Llegó llueu la xente guapo, empresta pa la presentación, incluyíos conceyales de dellos conceyos y diputaos rexonales como Álvaro Queipo, Rafa Palacios o Noelia Macías, ente otros.

Tamién taba’l rexidor, Gerardo Sanz, qu’intervieno’l primeru. Sobre Fapea destacó’l fechu de que tolos productos cunten col sellu calidable del Copae: “Son productos namá ecolóxicos y que tán regulaos”. Coles mesmes, recordó una serie de midíes del so gobiernu introduciendo alimentos ecolóxicos nel comedor de la escuela infantil o na repartida de comida a families en necesidá.

Pola esquierda, Mayalen, Gorka y Ibai Mauleón, con dos tenrales. | A. I.

Al respective de la esposición y concursu de ganáu foi inda más optimista: “Somos un referente a nivel nacional”, llegó a apuntar. Nesi puntu secundó-y el director xeneral de ganadería, Nino Rodríguez, quien aseguró “que tolos güeyos tán puestos en Llanera mientres la fin de selmana”.

Más allá de la representación política, los máximos responsables de dambos eventos caltuvieron el llistón altu nes sos declaraciones. Fízolo primero José Antonio García, estrenándose en Fapea como presidente del Copae: “Da gustu tar equí, con 45 puestos y tou tan bien entamáu”.

No relativo al concursu y esposición de ganáu, el responsable de la organización, Eliseo López destacó la calidá y elevada participación: “De normal tamos en 380 reses y anguaño hai unes 410. Amás, hai representación de tolos conceyos d’Asturies, con un gran númberu de ganaderos de, por casu, Cangas o Salas, que yeren menos frecuentes. Tamién d’otres comunidaes como Galicia o Cantabria”.

Como principal novedá nesta edición, la organización optó por faer la calificación de los animales mientres la nueche d’ayeri y la de güei. “L’eventu tien qu’evolucionar, ye un modelu que vien importáu d’un certame bien renombráu de Suiza y vamos ver como funciona. La xente ta con ganes”, concluyó López, coincidiendo con David Rodríguez, conceyal socialista.

Tou ta dispuestu yá pa una llarga fin de selmana de oda a la vida rural en Llanera, llindada, eso sí, pola pandemia. “Tenemos que cumplir, nun tamos al cien per cien”, recordaba ayeri Sanz. La puya de ganáu y el concursu de tapes, na segunda xornada

Les puertes de la cortil ferial de Llanera van reabrir güei a los once de la mañana pa la segunda xornada de la feria ecolóxica Fapea y del concursu de ganáu. El mercáu tien previstu un taller d’ellaboración de quesos a les 11.00 hores y, yá de tarde, a les 18.30 hores, una exhibición de cocina en vivu con concursu de tapes. Pela so parte, el concursu de ganáu va vivir unu de los sos puntos álxidos cola espectacularidá de la puya de ganáu vacuno. Un modelu que s’asemeya al d’otros eventos como’l Campanu d’Asturies, colos restoranes prestos a adquirir les meyores pieces. Esta parte del concursu va tener llugar a partir de les 18.00 hores.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *