Publicado en Arte

El grafiti de la raposa de la Pola, «medaya de bronce» de «Street Art Cities»

La raposa, el gran grafiti de gran tamañu de la Pola

El grafiti de la raposa de la Pola, «medaya de bronce» de xunu de la revista especializada «Street Art Cities«. La publicación, que yá premió en xineru al gatu de Llugones, destaca’l mural de Xolacas, na cai Pedro Vigil, como’l terceru meyor del mundu

L’arte urbano sigui dando allegríes en Siero. Lo último foi la reconocencia a La Raposa de la Pola como «medaya de bronce mundial», según el ranking del mes de xunu qu’ellabora la publicación «Street Art Cities» . «Yá en xineru’l gatu, «Uma», consiguió l’oru y fíxome muncha ilusión. Agora quedé terceru cola raposa. Toi nel podiu con artistes a los qu’almiro y que me gusten enforma», reconoz l’artista valencianu «Xolakas» (Ángel Caballero Rioja), artífiz de dambos murales.

El nuevu grafiti de Pola de Siero: asina apaeció una raposa xigante de 23 metros d’altu y asina esfrutó’l so autor dende los altores.

Col gatu de Llugones foi la primer vegada que llegaron al perfil del valencianu. Llegó-y un mensaxe, onde lu anunciaben qu’esistía la posibilidá de que publicaren el so trabayu n’una rede social. Depués, la votación popular foi la que decidió que’l gatu sería’l númberu unu. «Nestos últimos años, toi recoyendo bastantes frutos a base d’esfuerzu. Adulces, voi viendo que delles plataformes comparten el mio trabayu y para el mio, como artista, ye bien importante porque me da espardimientu», cuenta «olakas». Nel casu de «Street Art Cities» van percorriendo les cais del mundu, buscando aquellos trabayos que-yos llamen l’atención y depués avisen a los sos autores.

 

Daqué paecíu asocedió-y con La Raposa, solo que con un pocu menos ésitu que lo anterior. Sicasí, piensa que’l realismu qu’afiguró nes parés de Siero, según la idoneidad de los espacios nos que pintó, fueron un impulsu por que lleguen esti tipu de reconocencies. «Yo pa un trabayu, primero falo cola xente de la zona, que me cunte coses de la cultura d’ende. Asina me documentu. Depués, ye bien importante’l muriu. Los de Siero taben perbién», reconoz.

Pero hai otru trucu: «El gatu ye un animal bien cercanu, yo creo que por eso llegó a tanta xente. Y La Rapiega llapada l’atención porque ye un animal que se tien que protexer, y amás, ¡ye enorme!». Y la cercanía y sacar l’arte a la cai, según el valencianu, ye una de les coses que tán faciendo que l’arte urbano «tea de moda. Tol mundu pasia peles ciudaes, pero non siempres van a un muséu. Nun hai que faer nada: solo andar y esfrutar, casi como por obligación».

Les nueves xeneraciones tamién vienen fuertes, diz «Xolaka». Y él, mentanto, aspira a que los sos bocetos rellacionaos col medioambiente y con una mirada fonda, que ye lo que más-y gusta pintar, enllenen el mundu. Y tamién, por qué nun dicilo, qu’haya más espacios en Siero pa enllenar del so arte: «N’Asturies tase perbién. Fai calor pero nun aprieta», ri l’artista realista, qu’empezó a pintar porque-y gustaba, acostumóse a ser nómada, y nun busca l’aplausu del públicu. «Si tuviera que faer otru estilu, baxando a la cai y ensin cobrar, faríalo. Pero tamién me gusta qu’el mio trabayu déame de comer», diz.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *