Publicado en TIEMPU

Lluna llena de marzu 2021

La lluna llena de marzu ye popularmente conocida como la lluna del supergusanu. El nuesu satélite paez aprosimao un 10% más grande de lo habitual. Una definición habitual ye qu’una superluna lo ye si ta a más del 90% d’algamar el so perigeo. La Lluna va entrar en fase de lluna enllena’l domingu, 28 de marzu, a les 20:48 (horariu peninsular español, 19:48 nes Isles Canaries). Va ser la primer lluna llena de la primavera.
Na cultura popular, la lluna llena recibe distintos nomes a lo llargo del añu. Les denominaciones más estendíes vienen de les tribus amerindies, natives d’América del Norte. Tantu ye asina que, en realidá, pueden utilizase inclusive nel hemisferiu sur, y nesi casu, a cencielles, intercambiar col mes correspondiente, nel hemisferiu sur, para la lluna llena de cada mes. Asina, ye popularmente conocida como la lluna del vierme/gusanu. El nome fai referencia a que, nesta dómina del añu, la tierra allandia y vuelve resurdir el merucu de tierra. Ye una de les primeres señales de la llegada de la primavera.

La lluna va vese completa mientres delles nueches. El puntu máximu va ser a les 20:48 del domingu, 28 de marzu. Esto ye, dos díes antes del perigeo llunar, cuando’l nuesu satélite natural va atopase nel puntu más próximu a la Tierra de la so órbita que va algamar nesti ciclu llunar. Por ello, vamos notar que se ve más brillosu de lo habitual, y daqué más grande.

Les siguientes llunes llenes van ser les del 26/27 d’abril (llamada ‘lluna rosa’) y la del 26 de mayu (lluna ‘de les flores’), y dambes van ser superlunas.

Toles llunes llenes tienen un llamatu/nome, que’l so orixe suel remontase a distintes tribus natives americana y europees. Nel casu de la lluna del vierme, el so nome débese a que marca’l momentu en que tradicionalmente la tierra entamaba a desconxelarse, y yera más húmeda y blanda para los merucos, qu’atopen l’ambiente perfecto de mano a remanecer.

Nun ye l’únicu nome que s’aplicaba a la lluna llena de finales de marzu o empiezos d’abril. Tamién se conoz como la lluna del cuervu, una y bones estes aves tienden a migrar y glayar sonoramente nesta dómina, o d’azucre, yá que nos meses posteriores collechábase’l xarabe d´arce.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *