Publicado en Deportes, Xuegos Olímpicos

Simon Biles dexó una gran llección que va muncho más allá del ámbitu deportivu.

La ximnasta estadounidense marcó una diferencia nos Xuegos Olímpicos de Tokio 2021, al sincerase sobro’l so salú mental y faer un llamáu a la empatía.

1. ¡Sincerarnos sobre cómo nos sentimos!
2. Siempres podemos volver a intentalo
3. Nun ta mal pidir ayuda

Simon Biles ye xuna de les ximnastes más galardonaes anguaño. Tien más de 25 medayes ganaes en campeonatos mundiales y colos sos diversos llogros deportivos, revolucionó’l mundu de la ximnasia artística. Sicasí, nos Xuegos Olímpicos de Tokio 2021, foi reconocida por daqué más: falar sobro la salú mental de los deportistes.

«A cencielles nun confío en mi tantu como antes. Nun sé si ye la edá. Siento como si nun me prestara tantu. Tenemos que pensar en nós mesmos, porque tamién somos humanos», afirmó la estadounidense ente llárimes, al anunciar que se retiraba de la final por equipos de ximnasia. Les sos palabres, abrieron una fondu alderique nel mundu deportivu, pero traátase d’un discutiniu que tamién hai que llevar a les sales de clase.

Equí dexamos delles llecciones que nos dexó Simon mientres los Xuegos Olímpicos de Tokio 2021:
1. ¡Sincerarnos sobre cómo nos sentimos!

«Cuando entro na alfombra somos la mio cabeza y yo. Tratu colos demonios qu’hai na mio cabeza. Dempués de l’actuación que fixi, nun quería siguir. Tengo que centrame nel mio salú mental. Creo que la salú mental ta más presente nel deporte agora mesmu. Tenemos que protexer la nuesa mente y el nuesu cuerpu y nun llindanos a faer lo que’l mundu quier que faigamos», fueron parte de les declaraciones de la ximnasta mientres la so conferencia de prensa.

Antes d’eso, la Federación Estadounidense de Ximnasia anunciara que Simon nun s’atopaba bien y que diba salir de les competencia por razones médiques». Pero la ximnasta quixo esplicar cómo se sentía. Lo que fixo, ten de ser un exemplu que se debe considerar en distintos aspeutos de la vida: transparentar los sentimientos y da-y la importancia debida a la salú mental.

2. Siempres podemos volver a intentalo

A pesar del so anunciu del retiru nes actividaes n’equipu de ximnasia, Simon decidió participar na competencia de barra, onde terminó llevándose la medaya de bronce. En ganando, aseguró qu’esa victoria sentíase muncho más potente que la qu’algamó nos Xuegos Olímpicos de Ríu de Xaneiro 2016, xustamente porque en Tokio tocó-y asumir –públicamente– que nun s’atopaba bien mentalmente.

«Na barra’l trabayu ye fácil. Siempres pudi faelo. Nun pudi salir en nenguna otra final, pero pudi competir por equipos. Bonu, l’únicu saltu que fixi foi xenial, pero depués, a partir d’ende, foi como dir día ente día y ver cómo diba. Pa les demás finales, física y mentalmente nun yera seguru que pudiera faer les dificultaes ensin poner en peligru’l mio salú y la mio seguridá», repitió.

3. Nun ta mal pidir ayuda

«Tuvi que ser evaluada médicamente tolos díes y depués tuvi dos sesiones con un psicólogu deportivu del equipu, pero tuvi entrenando la barra toos los díes. Foi una selmana bien llarga, fueron cinco años bien llargos», cuntó la ximnasta en ganando la medaya de bronce en barra d’equilibriu. D’esta forma, Simon fixo públicu cómo foi parte del so procesu unu nel que tien de siguir trabayando– pa poder retomar la competencia tres la so quebre mental.

Amás, la ximnasta aprovechó’l so algame como figura deportiva pa faer un llamáu a la empatía. «Sé que dalgunos de nós tamos pasando poles mesmes coses y siempres se nos diz que lo superemos, pero toos somos mayores yá y podemos falar por nós mesmos. A lo último, nun somos un simple entretenimientu, somos humanos y hai coses qu’asoceden ente bastidores que tamién intentamos compaxinar col deporte», cavilgó.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *