- Fonte: RTPA: «Peregrinus Sum», la esposición cola que se conmemora l’Añu Xacobéu na Fidma
- Noticia: Europa Press /
Una muestra sobre’l Camín de Santiago que quier poner en valir la figura del pelegrín
La cultura siempres tien el so propiu espaciu na feria de muestres. Nesti sen, unu de los pabellones a visitar esta edición va ser el del Bancu Sabadell Herrero.
‘Peregrinus Sum’ ye’l nome de la esposición cola que se conmemora l’Añu Xacobéu. Una muestra sobre’l Camín de Santiago que quier poner en valir la figura del pelegrín.
Les distintes rutes, intereses rellacionaos col Camín y los personaxes relevantes de la so hestoria dan forma a esta completa esposición.
Nella podemos conocer detalles de los edificios más emblemáticos qu’atopa’l pelegrín, faciendo especial relevancia nes catedrales d’Uviéu y Santiago de Compostela.
‘Peregrinus Sum’ abre les sos puertes el sábadu, al empar que lo fai una feria que trata de recuperar con esposiciones como esta una cierta normalidá.
