Publicado en Fiestes, Uviéu

Uviéu celebra´l so patrón: San Salvador

Los 1.200 años de la catedral d’Uviéu ye un momentu de gracia”

La Catedral d’Uviéu, llugar de pelegrinación al curiar insignes reliquies de Jesús, como’l Santu Sudariu, cumple’l 13 d’ochobre 1.200 años de la consagración del so primer altar.


Semeya: ©Obispáu d’Uviéu

«Quién va a Santiago y non al Salvador
visita al criáu y non al Señor»
Conoz la Historia del Camín con un #guiaoficial @enrutasturias. Info@enrutasturias.es / Tlf 684 60 55 48 / www.enrutasturias.com
“La Catedral ye’l monumentu que tresmite a los habitantes del nuesu mundu, col llinguaxe plásticu del arte, la fe de quien nos precedieron y qu’hai de siguir espublizándose por aciu el testimoniu cristianu. La Catedral ye’l llugar” onde parte la misión de la Ilesia que siempres ta rellacionada cola creación de nueves comunidaes cristianes que tienen siempres un llugar” onde celebren la fe faciendo memoria del Señor”, señala a Omnes José Luís González Vázquez, presbíteru dende 1980, delegáu episcopal de Lliturxa de l´archidiócesis d’Uviéu y canónigu prefeutu de lliturxa de la Catedral.

El 13 d’ochobre ye’l día que la diócesis d’Uviéu celebra la dedicación de la so Catedral que tien por titular al Salvador y a los Dolce apóstoles. Este foi’l deséu d’Alfonso II’l Castu, que non solamente fixo de la ciudá onde naciera (Uviéu), capital del Reinu d’Asturies, sinón que nella estableció, nel añu 811, una nueva diócesis siendo’l so primer obispu Adolfo, esplica don José Luis González.

Anguaño 2021 ye, por tanto, especial para la catedral uvieina y l´archidiócesis, porque se cumplen los 1200 años de la consagración del so primer altar.

“Ye un momentu de gracia que se nos ufierta, a los que formamos parte d’esta diócesis uvieina, con cuenta de que sepamos vivir la Catedral como centru y manifestación de la Ilesia local”, añede’l delegáu de Lliturxa, que ye tamién profesor de Sacramentología y lliturxa del Seminariu, y llicenciáu en Teoloxía llitúrxica.

De cuenta que anguaño, tres el tradicional Xubiléu de la Santa Cruz, que tien llugar del 14 al 21 de setiembre, va tener llugar la celebración del 13 d’ochobre, que’l so momento cumbre va ser la celebración de la Misa en ritu Hispanu. De too ello parolamos con José Luis González, de manera virtual, como pueden imaxinar.

¿Qué se celebra esactamente y cuál ye’l so significáu? ¿Puede comentar el contestu históricu?

-Tolos años, el 13 d’ochobre, la Diócesis d’Uviéu celebra la dedicación de la so Catedral que tien por titular al Salvador y a los Dolce apóstoles. Este foi’l deséu d’Alfonso II’l Castu, que non solamente fixo de la ciudá onde naciera –Uviéu- capital del Reinu d’Asturies, sinón que nella estableció, nel añu 811, una nueva diócesis siendo’l so primer obispu Adolfo.

N’anguaño de 2021 cumplise, poro, los 1200 años de la consagración del so primer altar. Ye un momentu de gracia que se nos ufierta, a los que formamos parte d’esta Diócesis uvieina, con cuenta de que sepamos vivir la Catedral como centru y manifestación de la Ilesia local.

La Catedral nun ye un llugar de xunta, como podría selo una sala d’espectáculos. Por ser el llugar de la proclamación de la Palabra de Dios y la celebración de los sacramentossobremanera los sacramentos de la Iniciación Cristiana na nueche pascual, constitúi un signu de calter casi sacramental.

Per otru llau, ye’l símbolu elocuente de la singularidá de la Diócesis a la que pertenez; de los llazos de comunión coles restantes diócesis que formen la Ilesia católica y, aspeutu bien importante y n’ocasiones escaecíu, signu de l´apostolicidad de la nuesa Comunidá Diocesana.

El nome vien-y porque nella ta la cátedra episcopal. El que nella se sienta ye l’Obispu propiu que ye garante de la fe de la Ilesia que preside, cuidao que, la sucesión apostólica, ye muncho más qu’una tresmisión de poderes: ye unu insertamientu na apostolicidad de la Ilesia, na sinfonía de comunión con otres Comunidaes Cristianes. Poro, la cátedra ye’l símbolu qu’identifica’l llugar onde l’Obispu preside la Diócesis, pedrica l’evanxeliu, testifica la veracidá de los sacramentos que nella se celebren. Ye, consiguientemente, un llugar únicu nel so xéneru yá que, al traviés de la cátedra, fai visible non solo’l calter pastoral del ministeriu episcopal, qu’implica enseñanza y gobiernu, sinón tamién la unidá na fe d’aquellos a quien l’Obispu axunta nel nome de Cristu, pastor por excelencia.

Pol grandor de la so construcción, la Catedral siempres fai referencia al templu espiritual que relluma pol grandor de la gracia divina, pero, coles mesmes, ye tamién una figura visible de la Ilesia de Cristu, que, equí embaxo, alza a Dios la so súplica, la so allabancia y la so adoración. Esta realidá motiva la pelegrinación a la Catedral, como fonte de la fe para tola Diócesis.

¿Qué actos tienen previstu l’Arzobispáu d’Uviéu y tola Comunidá Diocesana para celebrar esta efeméride?

-El Cabildru catedraliciu, encargáu de curiala y sirvila, ta entamando una serie d’actos que tomen trés aspeutos: a) Espositivos. b) Conciertos musicales. c) Conferencies culturales. El momentu cume va ser la celebración de la Misa en ritu Hispanu’l mentáu día trelce d’ochobre.

Na axenda de la Catedral ocupa un llugar bien destacáu’l Xubiléu de la Santa Cruz” qu’añalmente nella celébrase. Empecípiase’l día 14 de setiembre y conclúyese el día 21 del mesmu mes. Estos díes d’allegría tán en relación cola Cruz de los Ánxeles”, bellísima xoya regalada a la nuesa Ilesia diocesana pol rei Alfonso II nel añu 808.

Dende antaño denominose´l nuesu primer templu col nome de “Sancta Ovetensis” poles reliquies que nella guarden. La más importante ye’l “Santu Sudariu”: preciosu llenzu que, como narra l’evanxeliu, cubrió la cara del Señor cuando lu baxaron de la cruz y atopose nel sepulcru vacíu de Cristu endolcáu nun sitiu estreme” (cfr. Jn 20,7).

Procedente de Xerusalén, xuntu con otres munches reliquies que se guardaron n’un “Arca Santa”, y por cuenta de la invasión de los perses nel añu 614, dio llugar a qu’esta arca fora treslladada de Palestina a Cartaxena. Darréu pasó a Sevilla y, más tarde, a Toledo. Cola invasión musulmana de la península ibérica, atopó abelugu nel “Monsacro”: pequenu monte cercanu a la ciudá d’Uviéu; darréu foi llevada a la “Cámara Santa” de la Catedral d’Uviéu, por deséu del rei Alfonso II’l Castu y, de magar, nella permanez.

Santu Sudariu y Xubiléu de la Santa Cruz

-*Tradicionalmente, la reliquia del “Santu Sudariu” –la más insigne- amuésase los díes 14 y 21 de setiembre al rematar la celebración eucarística; tamién el Vienres Santu. Anguaño, el Xubiléu de la Santa Cruz” va tar presidíu acaldía por un obispu. El restu de los díes van acompañanos los que formen parte de la provincia eclesiástica d’Uviéu, los naturales de la nuesa tierra xuntu col Sr. Cardenal presidente de la Conferencia Episcopal Española.

El qu’al traviés del tiempu, na nuesa Catedral, guarde tan insinies reliquies rellacionaes cola persona de Jesús, el Señor, fixo d’ella llugar de pelegrinación. Son dellos los caminos que conducen a la “Sancta Ovetensis”. Los sos nomes son: “Camín de San Salvador” y, tamién, “Camín de les Reliquies”. Na Catedral d’Uviéu atopa l’orixe del Camín de Santiago”. El so primera pelegrín foi’l rei asturianu Alfonso II. Tamién ye meta de pelegrinación.

¿va cuntar de dalguna manera cola sociedá civil asturiana?

-El Conceyu d’Uviéu manifestó, na persona del so alcalde, el deséu de collaborar nestos acontecimientos y asina lo ta faciendo; dalgún mediu de comunicación social ufiertó igualmente la so arrogante disposición.

Nun momentu nel que paez que se cierren” más templos de los que s´abren, remémbrase la dedicación del corazón de la diócesis”. ¿Qué significáu tien pa la diócesis, pa los sos fieles?

– L’edificiu catedraliciu, que ye sagráu porque ta destináu a contener el Cuerpu de Cristu” que ye la so Ilesia, tien una fuerte capacidá evocadora. Ye’l monumentu que tresmite a los habitantes del nuesu mundu, col llinguaxe plásticu del arte, la fe de quien nos precedieron y qu’hai de siguir espublizándose por aciu el testimoniu cristianu. La Catedral ye’l llugar” onde parte la misión de la Ilesia que siempres ta rellacionada cola creación de nueves comunidaes cristianes que tienen siempres un llugar” onde celebren la fe faciendo memoria del Señor. Festexar la dedicación de la nuesa “Ilesia Madre”, ye anovar el compromisu de faela crecer por aciu la vivencia más comprometida del evanxeliu.

¿Va Haber dalguna referencia a la Virxe de Cuadonga, la Santina, oxetu de tanta devoción popular?

-La Catedral d’Uviéu engloba güei trés ilesies que, nel so entamu, tuvieron dixebraes, pero al “crecer” la fábrica catedralicia englobaronse nel so interior. Son: la capiya de Santa María del Rei Castu, panteón de los Reis d’Asturies; el templu de San Salvador y los Dolce Apóstoles, y la Cámara Santa, onde se guarden les diverses reliquies qu’a esta See llegaron al traviés del tiempu.

Na capiya de Santa María del Rei Castu, nel so retablu central, presidiéndolo, atópase la imaxe llamada de “Santa María de les Batalles”. La imaxe de “La nuesa Señora de Cuadonga” –*popularmente llamada “La Santina”- recibe tamién el nome, anque ye menos conocíu, de “Santa María de les Batalles” y, posiblemente, acompañara a los reis asturianos nel so deséu de recuperar pa Cristu la península ibérica conquistada polos árabes tres la batalla de Guadalete.

 

#Oviedo
#OviedoOrigendelCamino

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *