Publicado en TIEMPU

Estáu del tiempu Vienres 17 de xunu

Alborecemos col cielu nuboso ya con unes temperatures que tan perriba de los 20ºC en munches zones d’Asturies, rexistrándose nel puirtu Payares 17,8ºC.
Güei vamos tener un día más, l’ambiente mui caluroso y chornosu col cielu empuercáu de nubes altes que pela tarde volverán a tener ciertu desendolque y dexanos xarabatos de calter tormentosu irrugularmente repartios. Les temperatures másimes volverán a superar los 30ºC na mayor parte d’Asturies, sicasí van surdir de nuevu nublines d’advención pela costa por mor del contraste de temperatura ente la tierra y la mar, al tar el Cantábrico entovía dalgo fríu y condicionando perello les temperatures másimes n’esta fastera.

Mañana sábadu seguiremos con esti ambiente chornosu y calurosu pero a partir de la tarde entamen a descender les temperatures pa normalizase al final del día. El cielu vamos tenelu empuercáu de nuebes medies y altes pela mañana entemecides ente dellos claros y yá pela tarde dirá entrando nubosidá baxa pela costa, aumentando la humedá y refrescando l’ambiente, sobre too en zones de montaña ya interior onde puen descender 10ºC en poco tiempu. Hai posibilidaes tamién de dalgún xarabatu de calter tormentosu pero sedrán menos frecuente ya intensos qu’estos díes.
El domingu volveremos a la normalidá con intervalos nubosos y dalguna precipitación feble ya temperatures que nun algamarán en ningún casu los 25ºC

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *