Publicado en Escritores

Sobre… Enriqueta Glez. Rubín

El colectivu Iniciativa pol Asturianu confirmó’l so sofitu incondicional a la propuesta de Pueblu para dar el nome de Enriqueta González Rubín a la Casa de Cultura de Ribesella. La organización decidió sumase a la iniciativa como “un homenaxe a la mesma escritora, pero tamién a les Lletres Asturienes y a les muyeres qu’escriben n´asturianu”, afirma nun comunicáu.

El so voceru de relaciones institucionales, Inaciu Galán, considera que’l conceyu de Ribesella ye un conceyu “bien afortunáu” por cuntar ente los sos naturales cola primer persona que publicó xuna novela en *asturianu. Pero ye qu’amás, al tratase d’una muyer, “tamos énte un fechu insólitu na lliteratura europea”, que xuna muyer sía la primera en novelar xuna hestoria na so llingua materna. Según Inaciu Galán, la escritora de Santianes de Molenes utilizaba un asturianu oriental “bien bonu, bien correctu, bien llimpio y según los críticos tenía xuna gran calidá lliteraria”.

Galán tamién destacó los valores humanos d´Enriqueta, xuna muyer del sieglu XIX que “foi madre soltera, tuvo munchos fíos y amás montó xuna escuela en Santianes de Molenes y con tou tuvo tiempu pa escribir en castellán y asturianu y algamar muncho prestíu nel so momentu”. Col tiempu, el so nome quedóse nel olvidu hasta qu’en 2008, nuna biblioteca de Llanes, apaeció aquella primer novela escrita por Enriqueta, la obra titulada «El viaxe del tíu Pacho el Sordu a Uviéu».

Como la Casa de Cultura de Ribesella escarez de nome, Iniciativa pol Asturianu apueste por que otorgue el d´Enriqueta González Rubín yá que pasó tiempu abondu, mas d’un sieglu, “pa faer balance de la vida d’esta persona y reconocer que ye xuna figura d’importancia”.

Por esi motivu, Inaciu Galán nun entiende que pueda haber partíos políticos nel conceyu que s’opongan a la so designación, “porque se trata de la escritora mas importante na hestoria de Ribesella y probablemente la mas importante na lliteratura asturiana del sieglu XIX. Ye como si Alcalá de Henares nun quixera potenciar la figura de Cervantes, naide entendería”, añedió.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *