Publicado en Curiosidaes, NATURA

‘Tola’, d´osezna a símbolu del caltenimientu animal

Habíase alloriáu apagando adulces. ‘Tola’, l´osezna que foi, al pie de la so hermana ‘Paca’, el símbolu del caltenimientu animal y la llucha contra’l furtivismo n’Asturies, morrió esta selmana va trés años na so corralada del monte Fernanchín. Tenía casi 29 años -frente a una esperanza de vida de venticinco- y una hestoria forxada a sangre y fueu a los sos llombos. NOTICIA

Una carnicería

Xunu de 1989. Una de les mayores operaciones contra la caza furtiva remata col afayu d’innumberables restos animales en dellos pueblos de Cangas. El día 13, en portada de ‘La Nueva España’, Ángel Álvarez informa de que’l botín componse de «delles cabeces d´urogallo, robecu y corzu, y tou tipu de foines y trampes», paquetes de goma-2 incluyíos, lo mesmo que de la piel de cuatro osos -naquel momentu quedaben apenes un centenar en tol cordal Cantábricu y tan solo unos cincuenta n’Asturies-, unu de los cualos atópase calteníu en salazón. L’oxetivu: comer la so carne. El mesmu que los aguardaba a los dos oseznas que, entá vives, aguardaben a ser apurríes al Seprona nun improvisáu corralito ente les ruines del monesteriu cuartanu d´Obona. Tienen apenes cinco meses d’edá y los sos captores punxéren-yos nome, ‘Selva’ y ‘Charly’, antes de proponer matales y sirviles como menú.

La noticia llegó a oyíos de la persona incorrecta. Antolín Velasco, a quien se debe’l nome de la osa ‘Tola’ –‘Paca’ recibió’l de la muyer de Roberto Hartasánchez, xerente del FAPAS- axustó con los captores de les oses, que dempués negaron selo, la entrega de les dos pequeñes. Asina foi como les oses más famoses d’Asturies llegaron a manos del Seprona, con López Ricu a la cabeza, y del FAPAS, y d’un cubículo nuna tenada de Tresmonte a Llanes, la primera d’una llarga llista de moraes.

El xuiciu

Poco o nada sábese de la vida anterior de les oseznas al día de la so entrega. El Seprona embaraxó, daquella, dos posibilidaes: que la so madre fuera tirotiada por un mineru al atopá-ylo cuando esti diba trabayar o que fuera víctima d’una cacería furtiva. Na so piel, recuperada na operación, entá se caltenía’l furacu del disparu y l’estáu de la pelame suxuría que la muerte produxérase non más de dos meses tras. Pela so parte, Velasco aseguró que la intención de los  cazadores fuera dar cuenta culinaria de les oseznas cuando calteneles nuna vivienda particular yá empezaba a dar problemes. Sía como fora, estos nunca falaron: nel xuiciu aducieron falta de pruebes, y la sentencia, que llegó nel branu de 1991, foi d’absolución, anque con una multa de trés millones de pesetes por infringir les lleis cinexétiques.

Odisea plantígrada

‘Paca’ y ‘Tola’ nun vivieron siempres n’Asturies. Dempués de pasar una temporada nes cortiles del Fapas de Llanes, fueron treslladaes a una corralada más amplia en Vic, en Cataluña, y, darréu, al Parque Cinexéticu Nacional d’El Hosquillo, en Cuenca. Imposibilitaes yá pa la so reintroducción al mediu selvaxe por tar yá bien demasiao avezaes a la interacción col ser humanu, les hermanes, na plenitú de la mocedá, volvieron a Asturies gracies a la Fundación Oso, que proxectó la cortil ente Proaza y Santo Adriano onde morrió ‘Tola’ ventidós años dempués.

Ente medies, tou: el derrumbe de parte de la instalación que-yos fixo movese temporalmente a Cabárceno, la llegada d’otra osa irrecuperable pal mediu natural, ‘Molinera’, a la corralada en 2013 y tamién ´apareamiento d’un osu cántabru, ‘Furaco’, que convivió coles hermanes cuando estes yá yeren mayores, anque entá fértiles, y que llegó a montar a ‘Tola’ nuna ventena d’ocasiones. L’únicu esbardu habíu del apareamiento, xuna cría de poco más de 300 gramos de pesu, foi atopáu muertu na cama de paya de la so madre en 2013. Va esta selmana trés años que tamién se -y acabó la vida a ella. Tou un símbolu de la hestoria recién d’Asturies.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *