La Feria Internacional de Muestres d’Asturies (Fidma) celebra esti sábadu 19 d’agostu’l II Día de la Llingua Asturiana con un bayurosu programa d’actividaes qu’inclúi más d’una docena d’actividaes. Iniciativa pol Asturianu, en collaboración cola Cámara de Comerciu de Xixón, entama esta xornada dedicada a la llingua asturiana dientro del eventu.
- Fonte: Iniciativa pol Asturianu
El programa d’actos va entamar a meudía cola recepción del presidente d’Iniciativa pol Asturianu, Iván Llera, a representantes del Gobiernu asturianu, instituciones, alcaldes y conceyales de tola comunidá. Darréu, va tener llugar el pregón popular a cargu de Xosé Manuel Fernández y el pregón reivindicativu a cargu de l’actriz Nerea Vázquez. L’actu va continuar con un homenaxe a la figura de Gaspar Melchor de Xovellanos, que cuenta con un bustu nel recinto ferial Luis Adaro.
De siguío, a les 13:00 hores, la comitiva va treslladase al puestu d’Iniciativa pol Asturianu, asitiáu nel pabellón 3-4 del Palaciu de Congresos, onde se van presentar les catorce empreses que participen nel espaciu de la entidá. Media hora depués, a les 13:30 hores, va tener llugar una tastia de Cerveza Cotoya nel mesmu espaciu.
Pa entamar la tarde, a les 16:30 hores, va tener llugar la presentación de la revista lliteraria ‘Formientu’ nel puestu de ‘La Nueva España’. De siguío, a les 17:00 hores, va a haber una visita guiada n’asturianu al Muséu del Pueblu d’Asturies. Más tarde, a les 17:30 hores nel puestu d’Iniciativa pol Asturianu va tener llugar la presentación del llibru ‘La Vieya’, escritu por Aique Fernández y editáu por Radagast. Nel mesmu espaciu, pero a les 18:00 hores, los visitantes van poder participar nuna degustación de productos de Panduru, una de les dos empreses qu’esti añu debuten nel puestu d’Iniciativa pol Asturianu na Feria de Muestres.
La reciella tamién va tar presente nel II Día de la Llingua Asturiana nel recintu ferial Luis Adaro. L’animador Sergio Buelga va protagonizar un cuentacuentos n’asturianu a partir de les 18:00 hores nel espaciu del Conceyu de Llanera. A la mesma hora, dientro del puestu de Conceyos con Encantu, va tener llugar una clas de pandereta y baille tradicional impartíu por Varo Moráis.
Una hora más tarde, a les 19:00 hores, va celebráse la presentación de la versión asturiana de la obra ‘Kim’, de Rudyard Kipling, per parte d’Eloy Antuña Zamarro nel puestu d’Iniciativa pol Asturianu. Pa rematar la xornada, a les 20:00 hores, el Conceyu de Mieres va ufiertar una tastia de sidra asturiano.
Durante tola xornada va a haber un repartu de materiales n’asturianu nel puestu de la Universidá d’Uviéu y de revistes n’asturianu nel de Conceyos con encantu. Amás, el diariu dixital MiGijón va facer entrega de postales con poemes n’asturianu sobre Xixón. Los participantes van poder algamar una taza dexando una grabación lleendo’l poema. Por segundu añu nesti Día de la Llingua Asturiana, el periódicu El Comercio va ufiertar a los visitantes del so espaciu la posibilidá de sacar la portada d’esi día n’asturianu.
Iniciativa pol Asturianu anima a la sociedá civil a participar nesta xornada de valoración y reivindicación del idioma.
Programa Día de la Llingua Asturiana 2023
-
12.00 hores: Recepción institucional encabezada por Iván Llera, presidente d’Iniciativa pol Asturianu, a representantes institucionales del Gobiernu y de conceyos. Entamu musical de gaita asturiana.
-
Darréu, va taner llugar el pregón popular a cargu de Xosé Manuel Fernández y el pregón reivindicativu a cargu de l’actriz Nerea Vázquez. De siguío, va facese homenaxe a la figura de Gaspar Melchor de Xovellanos.
-
13:00 hores: Visita al stand d’Iniciativa pol Asturianu y presentación de les empreses presentes.
-
13:30 hores: Tastia de Cerveza Cotoya nel espaciu d’Iniciativa pol Asturianu._
-
16:30 hores: Presentación de la revista lliteraria Formientu nel stand de La Nueva España.
-
17:00 hores: Visita guiada n’asturianu al Muséu del Pueblu d’Asturies.
-
17:30 hores: Presentacion del llibru ‘La Vieya’ d’Aique Fernández editáu por Radagast nel stand d’Iniciativa pol Asturianu.
-
18:00 hores: Degustación de productos de Panduru nel stand d’Iniciativa pol Asturianu.
-
18:00 hores: Cuentacuentos n’asturianu impartíu por Sergio Buelga nel stand del Conceyu de Llanera.
-
18:00 hores Masterclass de pandereta y baille tradicional impartíu por Varo Moráis nel stand de ‘Conceyos con encantu’
-
19:00 hores: Presentación de la versión asturiana de la obra ‘Kim’ de Rudyard Kipling per parte d’Eloy Antuña Zamarro nel stand d’Iniciativa pol Asturianu.
-
20.00 hores Tastia de sidra asturiano nel stand de Mieres
Y amás:
-
Repartu de materiales n’asturianu nel stand de la Universidá d’Uviéu
-
Repartu de revistes n’asturianu nel stand Conceyos con encantu.
-
Nel stand de MiGijón, repartu de postales con poemes n’asturianu y semeyes de Xixón.
-
El Comerciu ufierta la posibilidá de sacar la portada n’asturianu d’esi día a los visitantes del so espaciu.
