Publicado en Música

La gaita más grande del mundu ta n’Ayer

Inauguración de la escultura de la gaita n’Ayer. La Gaitona ye una escultura de más de 3 metros y ye un homenaxe a Tina Castañón, una de les primeres gaiteres d’Asturies.

Asturies tien una fuerte tradición gaitera que forma parte del so patrimoniu cultural y curioso turísticu. Coles mires de caltener les tradiciones y rindir homenaxe a una de les primeres gaiteres d’Asturies, Ayer inauguró esta tarde La Gaitona d’Ayer, un escultura de más de 3 metros d’altor que se convierte na gaita más grande del mundu. La Gaitona d’Ayer ye xuna escultura realizada pol artista Gonzalo Grela para rindir homenaxe a la vecina del pueblu Tina Castañón. Castañón foi xuna de les primeres gaiteres de too Asturies de les qu’hai constancia. La escultura ta instalada na plaza de la Vacaína de la localidá de Cabanaquinta.

La inaguración de la escultura de la gaita más grande del mundu tuvo acompañada d’una banda de gaites qu’amenizaron la presentación a los vecinos del pueblu.

Tina Castañón ye considerada por munchos como una de les pioneres na música asturiana. Foi una de les primeres muyeres n’apoderar la gaita n’una dómina na que los preseos yeren coses d’homes. Con esta escultura, Ayer rinde homenaxe a la so hestórica artista, que finó en 2019 con 93 años.

Esta pieza artística rinde tributu al preséu por excelencia d’Asturies, la gaita, que constitúi un símbolu de la cultura de la rexón. L’Alcalde señaló que se trata de fomentar la etnografía y el folclore de la rexón y, coles mesmes, emponderar un espaciu públicu asitiáu nel centru de la capital y crear un recursu turísticu, que de xuru va atraer l’atención de los visitantes del conceyu”.

La escultura mide trés metros d’altor y ta asitiada sobre un pedestal, que-y suma un metro más. Foi realizada con 10 kilómetros de filos de cobre esmaltáu (denominaos “tiger”, un material que s’utiliza nes esplotaciones mineres), aptu para les aguantar albentestate, moldiaos sobre un armazón de fierro10 filos de cobre. El so autor, Gonzalo Prau Grela, foi mineru, en concretu trabayó como barrenero y artificieru.

Tina Castañón, natural del conceyu d’Ayer. Nació en Moreda de riba nel añu 1925, fía del conocíu Vitorín “el gaiteru”, de quien heredó la so pasión pola gaita. Empezó a tocar de pequeña, cuando coyía la gaita del so padre a les escondidielles, yá que entós daquella yera un preséu consideráu para homes. Tina foi la precursora y la qu’abrió’l camín para munches otres muyeres. Tamién yera xuna apasionada de la tonada y col so padre debutó nel concursu qu’entós daquella entamaba’l periódicu la Rexón na sala de fiestes “Babel”, d’Uviéu. Tina Castañón foi xuna pionera y dexó el so calquier na cultura tradicional asturiana.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *