Publicado en NATURA, Semeyes

Les meyores fotografíes de naturaleza de 2021 según la revista Nature

«Winter migration». Fotografía ganadora absoluta de la competición y galardonada col primer premiu na categoría Birds.
Semeya: Terje Kolaas / NPOTY 2021

¿Qué meyores fotografíes de naturaleza para celebrar la entrada a un nuevu añu que les escoyíes pola prestixosa revista Nature? Amosémosvos nesta impresionante galería fotográfica a los ganadores del Nature Photographer of the Year 2021

«Esta fotografía darréu llamó la nuesa atención en parte por cuenta de la nueva perspectiva qu’apurre: una imaxe de la migración de los gansos de pates rosades dende l’interior de la mesma bandada en vuelu». La imaxe a la que se refier Tony Wu, unu de los xueces qu’anguaño formen el panel del certame Nature Photographer of the Year 2021, valiólu al fotógrafu noruegu Terje Kolaas el títulu de Fotógrafu de Naturaleza del añu.

“Posible gracies al empléu d’un dron, Winter migration, ye única al par que estéticamente prestosa. La nuesa emoción pola imaxe viose primeramente atenuada pola entruga de si’l dron pudo fadiar a les aves”, sigue Wu, “pero queda claro pol llinguaxe corporal de los suxetos que les aves nun s’atopaben so estrés”, añede.

Terje Kolaas tien el privilexu de reparar lliteralmente miles de gansos de pates rosades dende’l so xardín mientres dellos meses al añu. Más de 80.000 d’ellos faen escala nes güelgues del fiordu de Trondheim mientres les sos migraciones. Tar fotografiando mientres más de 2 décades, pero nun momentu dáu quedase ensin idees; sintió que tou taba fechu. Gracies a los drones, sicasí, pudo fotografiar a los gansos como xuno d’ellos, esto ye, formando parte de la bandada nel aire. Fueron necesarios decenes d’intentos mientres los últimos años hasta que, paradóxicamente, les ventisques y fuertes nevaes de finales d’abril de 2020 ficieronlo  posible.

El fotógrafu esperó a los gansos abargana d’un campu onde sabía qu’alimenten regularmente. Asina escuchó llegar, desapegó col dron y esperó nel aire. “La mayoría de tomes, como siempres, tienen daqué imperfectu: son alloñaes, tán desequilibraes o amuesen un nala o una cabeza cortada. ¡Pero toi bien contentu con esta semeya y bien feliz de que al xuráu tamién-y gustara!», espresa Kolaas, que la so instantánea impúnxose a los miles d’imaxes que fotógrafos de toles partes del mundu presentaron al concursu. Amosémosvos una selección de los meyores nesta galería fotográfica.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *