Publicado en Ciencia, Muyer, Reconocimientu

Gitanjali Rao, una moza científica ye escoyida «Neña del Añu» pola revista Time

La revista Time empezó a nomar en 1927 al Home del añu». Y de «home» pasó a «persona». Anguaño la influyente revista americana estrena la categoría «Kid of the year». La galardonada ye Gitanjali Rao, una neña científica ya inventora cola aspiración de «resolver los problemes del mundu». ¿Quién ye…?

A la so curtia edá, patentó preseos para midir la contaminación de l’agua, dispositivos para detectar adicciones tempranes y hasta una ‘app’ contra’l ciberacoso. Güei ye mentora de más de 30.000 mozos científicos que busquen solucionar problemes sociales al traviés de la tecnoloxía.

Nel 2020, añu que va quedar para los añales de la hestoria como’l de la Crisis del coronavirus» premió a una científica -eso nun ye lo chocante- quinceañera. Gitanjali Rao hai inventando dellos artiluxos como un preséu col que puede detectase chombu na agua potable o una aplicación que se sirve de la intelixencia artificial para identificar situaciones de ciberacoso.

Rao, que foi escoyida d’ente 5.000 nomaos n’Estaos Xuníos, reconoz a la mentada revista que nun encaxa nel perfil del «típicu científicu» qu’ella define como «un home mayor, xeneralmente blancu».

/

Xuna inventora precoz

Con diez años comentó-y a so madre que taba interesada n’investigar la tecnoloxía de sensores basaos en nanotubos de carbonu. «¿Qué?» foi la plasmada reacción de la so proxenitora.

Rao vive nel estáu de Colorado y asegura que lo que realmente espera colos sos inventos ya idees ye inspirar a otros potenciales creadores y non solo buscar soluciones cola aportación de los sos aparatos. Nesti sentíu, afirma que «hai munchos problemes que resolver» y díxo-y a Time que «la nuesa xeneración enfréntase a los problemes d’antaño ensin solucionar y a otros nunca antes vistos».

Nos sos quince años de vida avagó-y ser mentora d’unos 30.000 estudiantes de los qu’espera «identifiquen la innovación como xuna necesidá». Como gran parte de los mozos de la so xeneración, esta neña científica ye xuna ferrial lluchadora contra’l cambéu climáticu y ente los problemes que más-y esmolecen ta’l ciberacoso, que la llevó a crear una aplicación p’ayudar a la detección d’estos casos y atayar esta problemática social.

Esta moza científica ye la flamante «Neña del Añu» un premiu que s’alza, según Time, como «el barómetru sobro los líderes emerxentes de la xeneración estadounidense más nueva».

Autor:

Maestra de Llingua Asturiana Colexu Carmen Ruiz-Tilve - Uviéu