Publicado en Artículos, NATURA

La estrella de Belén» va poder vese esta Navidá per primer vegada en 800 años

L’alliniación de Xúpiter y Saturno va xenerar per unos díes un astru d’enorme rellumu como’l que, según la tradición cristiana, guió a los Reis Magos

La relixón siempres tuvo a la estrella de Belén’ como protagonista de la so hestoria. La ciencia tamién tien la so esplicación para un fenómenu que nun asocede dende va ocho sieglos

La llamada «estrella de Belén», unu de los símbolos más representativos de la Navidá, volverá vese nel cielu esti mes d’avientu per primer vegada en 800 años. Según l’astrónomu Patrick Hartigan, a partir del 21 d’avientu, coincidiendo col solsticiu d’iviernu, va producise un fenómenu astronómicu qu’asocede en contaes ocasiones y que, según distintes teoríes, podría ser la esplicación científica del astru desaxeradamente brillosu que vieron los trés Reis Magos y que, según los evanxelios cristianos, los guió hasta’l portal de Belén.

Esi día, Xúpiter y Saturno van alliniase nel cielu de cuenta que, dende la perspectiva de la Tierra, van paecer xuna única estrella, lo que va producir esi efectu d’un únicu astru de gran rellumu. En realidá trátase d’una ilusión óptica.

La última vegada qu’esto asocedió foi na Edá Media, nel añu 1226, nuna dómina na qu’inda se creía que la Tierra yera plana.
Esta interesada alliniación va poder vese nel hemisferiu sur de la Tierra’l 21 d’avientu, ente que nel hemisferiu norte va durar toa xuna selmana entre’l 16 y el 25 d’avientu. Espérase qu’el 15 de mayu del añu 2080 vuelva producise esti fenómenu.

Foi l’astrónomu Johannes Kepler quien defendió la hipótesis de que la llamada «estrella de Belén» yera en realidá xuna rara alliniación triple entre Xúpiter, Saturno y Venus.

Autor:

Maestra de Llingua Asturiana Colexu Carmen Ruiz-Tilve - Uviéu