Un «falsu amigu» ―del francés faux-ami― ye una palabra d’una llingua que se paez a una d’otra llingua, pero con un significáu diferente. Los «falsos amigos» llamámoslos tamién «palabres engañoses», y técnicamente son parónimos interllingüísticos. (Parónimos son palabres d’una mesma llingua que se paecen ente elles; por exemplu, andarica y andarina son dos parónimos del asturianu).
Güei s’estrenen en toles plataformes musicales los dos primeros cantares de Tasio, un proyectu nuevu de Dudu García. “Tener praos” y “Texedora” son les pieces coles qu’esti músicu curtíu en formaciones como Merlín, Cuchu o El Velcro, decide «da-y un calter más personal» a la so música y «desendolcar la faceta de cantante». D’esta manera axunta dos soníos colos que lleva «rabilando cuasi dos décades»: la música tradicional y la electrónica.
La Voz«Ta de boca en boca»: les 12 razones poles qu’el «Financial Times» encamienta visitar Asturies esti branu
Sablera de Quintana (Valdés)
El prestixosu diariu económicu dedica un artículu al Principáu que nun pasa per alto la esmolición qu’esiste por convertise nun destín turísticu de mases: «Ye un momentu que munchos asturianos tán tarreciendo en priváu»
Sigue leyendo «El Financial Times encamienta visitar Asturies esti branu»
Lo que necesita Asturies ye autoestima colectiva, enterrar complexos y garrar d’una vez el timón del so propiu futuru.
Un prau del conceyu de Candamu. Semeya: Diego Gancedo
Nesti Día de la Llingua Materna pienso na pena que da renunciar
a llenase la boca colos soníos que cuenten la nuesa historia.
La última vez que tuvi en Grullos, nun fai nin siquiera un mes, pregunté-sy a mio madre y a mio padre qué ye lo que creíen ellos que falaben. A mio madre faltó-y tiempu pa dicir qu’asturianu. Mio padre, sin embargu, con más calma, y ensin dexar nin un momentu de comer —porque tábamos comiendo cuando-ys fixi esta pregunta— miróme un par de segundos y dixo: “Que lo llamen como quieran”.
Sigue leyendo «Artículu: «Los nomes de les tierres y otres coses»»
La sección de viaxes de la prestixosa publicación asitia a una d’estes localidaes na selección de les 20 más destacaes. Trátase de Bandujo, Llastres, Taramundi, Tazones y Cuideiru. Amás, esti postreru destaca especialmente al incluyise na selección de les 20 más formoses.
Sigue leyendo «National Geographic asitia cinco pueblos asturianos ente los 100 más guapos d’España»
Parque de la Prehistoria de Teberga Turismu d’Asturies
Fai al rodiu d’un millón d’años que vivimos como especie na Península ibérica. Al entamu, la sociedá prehestórica yera igualitaria y considerábase al mesmu nivel que’l restu d’animales. Llueu vieno la dominación del home sobre los animales cola domesticación dende’l Neolíticu. La fin de la prehestoria dátase cola escritura.
Toles llingües son manifestaciones naturales de la capacidá biolóxica del llinguaxe. Toles llingües son, primariamente, preseos de comunicación y socialización que s’usen na conversación cotidiana: en casa, nel trabayu, colos amigos y familiares, etc.
Formen parte del comportamientu bonal y natural de les persones. Primariamente, toles llingües son códigos falaos (signados, nel casu de les llingües de signos) que nun precisen siquier de la escritura.
Imaxinemos, pos, una comunidá humana que los sos integrantes empleguen a diariu la so llingua en rexistros domésticos y puramente coloquiales: ye l’usu natural de la llingua, y basta qu’eso se dea para constatar la so esistencia como llingua viva.
Na imaxe, Veiga. Semeya propiedá del Conceyo de Navia.
Va sustituyir a la infraestructura actual pa dar un meyor serviciu a la flota pesquera d’anguaño, de mayor tamañu qu’en tiempos pasaos.
Sigue leyendo «Veiga va contar con un carru de varada nuevu»
L’inglés ye una llingua del tueru indoeuropéu y de la familia xermánica (xunto col alemán, l’holandés, el danés, el suecu, el noruegu, l’islandés, el feroés y el frisón), onde integra’l grupu occidental.
Enar Areces, ceadora del proyectu cultural y creativo
El proyectu, qu’empezó como una marca de camisetes y otros productos con mensaxes feministes, foi creciendo hasta convertise nun mediu pa impulsar hestories de muyeres
Sigue leyendo «Puru Remangu, cultura feminista y n’asturianu que trespasa fronteres»
L’agüeyamientu pasa, como ye lóxicu, por distintes fases: l’agüeyamientu puramente dichu, qu’efectúen bruxes o persones embruxaes, y que puede realizase por envidia y por cobicia; la prevención del mal, por aciu l’usu d’amuletos, y l’enunciación de ciertes frases; los síntomes de qu’una persona o animal ta afectáu del mal; y d’últimes los actos pal so sanamientu, pasando l’agua, utilizando’l alicornio, etc.
‘Piedra gris con rellumos doraos’ ye’l títulu de la obra nueva d’Helena Trexu Fombella, que se va presentar esti vienres en Xixón nun actu que va contar cola presencia de la cantante Silvia Quesada. Y ye que la música ye la temática sobre’l que xira esti llibru pa la reciella nel que son protagonistes les muyeres compositores.
PARTICIPACIÓN EN CAMPAÑES Y BIBLIOTEQUES
Per otru llau, nel contestu del programa Afinidades electivas, la lliteratura asturiana va tener presencia n’actividaes pa impulsar la programación de llibreríes independientes y apoyar la creación lliteraria, destacando la pluralidá llingüística d’España, favoreciendo’l diálogu ente distintes llingües y contribuyendo al espardimientu d’obres de distintos territorios. Esta iniciativa consiste na organización d’alcuentros en llibreríes independientes ente dos escritores y traductores, que tienen que falar del trabayu y obra del otru, buscando semeyances, conexones y mesmos caminos diverxentes. A la inclusión de la lliteratura escrita n’asturianu y en gallego-asturianu nos programes ministeriales, va añadise tamién la so participación nos Alcuentros de Verines que cada añu se celebren en Pendueles (Llanes), en collaboración cola Universidá de Salamanca.
Habíemos dío a trabayar, teníemos comprada una entrada pa un conciertu, tábemos preparando un viaxe y, de sópitu, un día de mediaos de marzu vímonos zarraos en casa por un virus que, nun principiu, parecíanos lloñe.
El confinamientu por mor del andanciu xeneró que los ritmos vitales aselaren y que cuestiones como’l consumu o los niveles de contaminación baxaren a niveles históricos; un estudiu de la la Universitat Politècnica de València incluso constató que los cielos españoles taben de media un 64% más llimpios.
Un proyectu lideráu dende Asturies, y nel que participen Italia y Bulgaria, va crear conteníos musicales para neños de zones rurales.
La ópera, esi espectáculu definíu por Wagner como la obra d’arte total porque combina la música, la danza, la poesía, la pintura, la escultura y l’arquitectura, ye tamién un potente elementu educativu. Asina lo entiende Laura Miranda González, investigadora del departamentu d’Hestoria del Arte y Musicoloxía de la Universidá d’Uviéu. Correo:mirandalaura@uniovi.es
Sigue leyendo «La Universidá d’Uviéu va llevar «Ópera para peques» a la E. Infantil»
La vida destos pueblus yera enforma austera ya tá perbien descrita nos sos prencipales carauteristicas por Estrabón nel so llibru terceru, ya del que n’outra entrada, vamos poner una reseña so la so vida.
“Ente los pueblus qu’habitan sol riu Dueru falan qu’ay dalgunos que viven al mou lacónicu, ya usan aceite, ya calecen los sos cacíus con piedras enroxecias al fueu, bañanse nel agua fria ya nun faen namás qu’una xintada al día, curtia ya cencieḷḷa.
Tous estus habitantes de la montaña son sobrius, nun beben sinon agua ya duermen nel suelu, ḷḷevan pelos ḷḷargus al mou femenin, anque pa combatir cinxinse la tiesta con una banda.
La Voz del Occidente dedica la so portada al Chao Samartín. Un estensu artículu nel que, a lo llargo de dos páxines, resumi la so hestoria milenaria y los riesgos inminentes a los que lo paecen emponer les obres previstes nel xacimientu.
Les restricciones pol covid torgaron a Ponga cumplir anguaño con una tradición celebrada de manera ininterrumpida dende los años cuarenta del sieglu pasáu. Artículo orixinal LNE.
Sigue leyendo «La Guirria falta a la so cita per primer vegada n’ocho décades»
Un proyectu audiovisual pretende amosar un percorríu por uno industria esencial para’l desenvolvimientu económicu, social y cultural de la Villa Condal.
La memoria y l’importancia de la conservación son temes que centren el proyectu audiovisual de Noreña, villa chacinera. Tánse documentando los testimonios de trabayadores, material fotográfico inédito, entevistes a empresarios, historiadores, críticos gastronómicos y hosteleros; la importancia de les fiestes y xornaes gastronómiques locales, col fin de caltener el patrimoniu gráfico y oral dende l’orixe hasta l’actualidá de la industria cárnica y chacinera de Noreña.
A lo llargo de los años, nos pueblos siempres hebo munches costumes coles que celebrar el final d’un añu y l’entamu del siguiente. Los díes diben faciéndose cada vegada más llargos y la torna al trabayu de campu diba venir bien llueu, lo que nes zones rurales foi siempres motivu de celebración. N’Asturies, nestes feches d’iviernu siempres foi mui celebráu l’aguilandu. Siguiendo esta costume, los mozos y les moces van pidiendo perres o comida a los vecinos tres facer dalguna pequeña actuación o dalgún cantar. Pa esto, en munches zones yera importante dir mazcaráu, hasta’l puntu qu’en zones como Tameza l’acción de dir pidiendo l’aguilandu conozse como “mazcaráu”.
Sigue leyendo «L´aguilandu, tradición del iviernu asturianu»
Cola espublización nel BOPA del decretu toponímicu de Cabrales, los nomes de llugar tradicionales d’esti conceyu yá son los únicos oficiales, derogando los castellanizaos. Asina, Asiegu, Arenas, San Roque, Po y Santolaya son les formes válides, sustituyendo a ‘Asiego’, ‘Las Arenas’, ‘Prado’, ‘Poo’ y ‘Puertas’, de manera respeutiva.
Cabrales ye’l conceyu númberu 67 en dar esti pasu, quedando namái 11 por completar el procesu. Los pendientes son Llanera, Castropol, Somiedu, Cuideiru, Ayande, Caravia, Ibias, El Valle Baḥu de Peñamellera, Salas, Navia y Pravia, en fases diferentes del mesmu.
Sigue leyendo «BOPA: espublización del decretu toponímicu de Cabrales»
Los adornos navidiegos son esa costume tan prestosa cola qu’entamamos a da-y pasu al Nadal. Axuntámonos cola nuesa familia, amigos o compañeros de pisu y preparamos les lluces, l’árbol, el nacimientu… Pero si hai un que presta que tea ganando bien de protagonismu nos últimos años esi ye’l Ramu Nadal.
Na ría del Eo atopamos unu de los productos más cobiciaos del occidente asturianu, la ostra.
Yá ta equí l’iviernu acabante ñacer tresaleciendo en bierzu. La viesca amuesa les cadarmes de bien d’árboles que yá soltaron les fueyes. Otros caltienen enagora delles seques nes rames, como les fayes y los carbayos. Dalgunos, como los carrascos y los texos, van siguir con elles a lo llargo d’esta estación. Un tiempu abegosu pa la supervivencia de les sociedaes primitives porque la tierra nun da, la ñatura entra en reposu y delles tribes animales emigren. Hoi vino a visitame Sidru’l Guirriu y téngolu paciallá blincando d’un llau a otru penriba unos bardiales, pues tien que tar en forma porque entremos nel tiempu onde reinen los de so. Voi capialu pa echar una rocada con él.
Un robot espía capta per primer vegada en video a gorilas selvaxes del monte cantando mientres cenen. Mira les sorprendentes imaxes en video. Ver artículu orixinal d´Ecoosfera.
Mirando a los güeyos al gorila animatrónico. ©John Downer Productions.
Un robot espía capta per primer vegada a gorilas cantando y tarareando mientres tastien la so cena. La naturaleza tien una y mil formes de sosprendenos. Bien poques vegaes l’humanu puede averase tantu a ella como para captala nel so estáu más selvaxe. Sicasí, los investigadores nun se dan por vencíos y se les inxenian para nun alteriar el comportamientu más xenuinu de les especies. Tantu, que s’inventaron un robot espía con forma de gorila.
Sigue leyendo «Robot espía capta a gorilas selvaxes cantando mientres cenen»
«Díes de poesía», José Ángel Gayol fala d’«El llar n’orde» de Gonzalo G. Barreñada (La Nueva España).
Fonte: Twitter de E. Trabe
L’alliniación de Xúpiter y Saturno va xenerar per unos díes un astru d’enorme rellumu como’l que, según la tradición cristiana, guió a los Reis Magos
La relixón siempres tuvo a la estrella de Belén’ como protagonista de la so hestoria. La ciencia tamién tien la so esplicación para un fenómenu que nun asocede dende va ocho sieglos
Sigue leyendo «La estrella de Belén» va poder vese esta Navidá per primer vegada en 800 años»
/ 
Un profesor indiu, Ranjitsinh Disale, gana’l «Nobel de la Educación». Va Compartir «la metá del dineru colos otros candidatos y, col restu, va llanzar un exércitu de paz«. La so escuela, Escuela primaria Zilla Parishad, India, oxetivu terrorista.
El Global Teacher Prize ye un premiu qu’otorga añalmente la Varkey Foundation y toos consideren el «Nobel de la Educación». El premiu dotáu con un millón de dólares quier reconocer el llabor de los docentes, la so importancia a la de camudar la sociedá. Por eso, utilicen la etiqueta global #TeachersMatter (Los Profesores Importen).
Sigue leyendo «Nobel d’Educación: el profesor indiu que llibró a les neñes del matrimoniu»
Espertos en Psicoloxía Ambiental alderiquen sobro la esperiencia na naturaleza de neños y nuevos y la so relación cola formación de la conciencia ecolóxica mientres xunas xornaes entamaes pola Universidá Internacional Menéndez Pelayo (UIMP) en collaboración con Naturaliza. Louise Chawla, Enric Pol o Joe Hinds son dalgunos de los participantes que cavilguen sobro l’espertar medioambiental de los más pequenos.
«El contactu directu cola naturaleza ameyora los sentimientos d’implicación y la conexón emocional cola naturaleza»
Mieu, enfadu, murnia. Eses son les trés emociones qu’espresaron mediu centenar de neños y neñes de 11 años nun estudiu realizáu en Denver (Estaos Xuníos) cuando se-yos preguntó cómo se sentíen al oyer a los mayores falar sobro’l cambéu climáticu y los problemes ambientales, según les sos consecuencies. Naide tendría de tener mieu a qu’el so planeta suma, y muncho menos a una edá tan temprana. Mozos activistes como Activistes como Greta Thunberg nun dexaron de remarcar, porque la crisis climática nun ye culpa de los neños y, sicasí, son los que más la tán sufriendo. Una encuesta realizada poles Naciones Xuníes dexa claro: el 73% de los mozos del mundu asegura esperimentar yá dalgunu de los efectos del cambéu climáticu.
Sigue leyendo «Naturaleza e infancia: l’espertar de la conciencia ecolóxica»
«Una de les poques lleis rigoroses de l´hestoria ye que los luxos tienden a convertise en necesidaes y a xenerar nueves obligaciones»
Falar de la música tradicional asturiana ye falar de la gaita. Al pie de la sidra son dos de los iconos qu’identifiquen la cultura asturiana y les sos más belles tradiciones.
Oríxen y hestoria
Oriente Mediu pue ser l’orixe d’esti preséu y non Europa occidental como se cree. La invasión romana pue ser unu de los causantes de la entrada de la gaita n´Asturies pero nun se toparon fechos arqueolóxicos que lo acoten totalmente. Hasta la Edá Media nun tenemos constancia de la gaita n´Asturies. El capitel de la ilesia de Santa María de la Oliva, del sieglu XIII ye’l primer documentu onde apaez reflexáu esti fechu. Sicasí, rescampla qu’antes d’esa fecha yá se tocaba la gaita n´Asturies. Na sillería de la Catedral d’Uviéu (s. XV) tamién apaez una gaita en pruebes documentales como miniatures o documentos eclesiásticos.
La figura del gaiteru como iconu de la música tradicional asturiana ye clave nel so desenvolvimientu, asistiendo a concursos y xires de gaiteros asturianos tantu pola península como pol restu del mundu.
El 14 de febreru de 2019 morría en Moreda d’Ayer a los 93 años una de les sos vecines más pernomaes: Justina Castañón Sánchez. Ella, conocida y reconocida como la primer gaitera d’Asturies, aprendió a tocar el preséu a les escondidielles al escuchar al so padre, tamién gaiteru. Cuando él diba de casa, ella coyía la so gaita y practicaba. Empezó a faelo con 11 años y con 16 una vecina afayola/descubriola. Foi una pionera nesto del folclore, cobarde y bien esixente. Inspiró a munches que la siguieron y tamién al mio y a Alfonso. Porque cuando escribimos y dibuxamos a Tina La Cachera (una de les protagonistes de Carboneres) n’unu de los capítulos que, personalmente, más me gusten: «Cenices», pensamos nella.
Tamién a ella hai que da-y les gracies por sostenenos de pies.
Una patrulla de la Policía Nacional captó en vídeu la pasada madrugada a cuatro exemplares de suidos. Los xabalíes siguen enfusándose na zona urbana de Xixón. Si va unos díes varios exemplares de xabalíes fueron vistos pola contorna de l’avenida de Gaspar García Llaviana, mientres la pasada madrugada una piara de suidos foi captada por una patrulla de la Policía Nacional pela redolada de la plaza de Toros y l’encruz de Pintor Marola con Ezcurdia.
Los axentes grabaron a los animales dende’l coche patrulla, pero nun se realizó intervención dalguna. «Mira, pol pasu de peatones, perbién», comenta unu d’ellos al reparar que los xabalíes casi crucien pol pasu de cebra y col semáforu en verde.
Dende la declaración del toque de queda, esta peculiar escena ye cada vez más habitual, una y bones los xabalíes aprovechen les cais vacíes para buscar comida.
El XII Premiu Camaretá al Meyor Cantar llévalu, por unanimidá, «Rambalín», de Rodrigo Cuevas. Ver videu Facebook de Política llingüística Rodrigo Cuevas, Silvia Quesada, Mapi Quintana y Slum Suit van defendieron nel Teatru Fantasio de Navia los sos temes finalistes nel XII Premiu al Meyor Cantar, que gana esti añu l’apellíu ‘Camaretá’. Ver web con info sobro los finalistes…
Los cuatro temes qu’aspiraben a ser el meyor cantar n’asturianu o gallego-asturiano del 2019 y la primer metá del 2020: ‘Rambalín’, de Rodrigo Cuevas; ‘La mesma revolución’, de Silvia Quesada; ‘Cantar pa durmir un ninín’, de Mapi Quintana; y ‘L’espeyu’, de Slum Suit. Tamién actuó Lafu y Rebeca, ganadores de la edición anterior con ‘Les sombres de la yerba’, mientres el xuráu decide’l merecedor del gallardón.
El xuráu del premiu tuvo presidíu pol director xeneral de Política Llingüística, Antón García, y integráu polos músicos Alicia Álvarez Sanguino, Pablo Moro y Naomí Suárez, la periodista y escritora Aitana Castaño, y la filóloga y profesora Mercedes Ruisánchez. Los miembros del xuráu tuvieron en cuenta a la hora de tomar el determín la calidá na composición y les interpretaciones vocal y instrumental, amás de la corrección llingüística de la lletra y l’usu de la llingua asturiana. El Premiu Camaretá ta dotáu con 6.000 euros.
El Premiu al Meyor Cantar pasó a llamase Premiu Camaretá al Meyor Cantar anguaño, n’homenaxe a la que foi la primer agrupación cultural y musical del Surdimientu. En 1975, empezaron a axuntase col nome de Camaretá un piñu de mozos con inquietúes musicales y lliteraries vinculando a la recuperación de les llibertaes, la creatividá y la llingua asturiana. D’aquella agrupación formaron parte, ente otros, Chus Pedro, Manolo Peñayos, Nel Xiblata, Manuel Asur, Xuan Marcos, Teresa Estrada o Aurora Roces.
El sábadu 7 de payares, l’equipu de zooloxía de Bioparc Fuengirola vivió unu de los acontecimientos más importantes na hestoria del parque y, por estensión, na hestoria del caltenimientu ex situ de los gorilas. La sorpresa llegó al afayar que Buu, la fema de gorila que taba preñada, fuera madre mientres la nueche.
La cría ye un machu y atópase en perfectu estáu de salú. Dende’l día de la so nacencia les persones que s’averen a visitar Bioparc Fuengirola pueden reparar a la cría cola so madre xuntu al restu del grupu.
Tol equipu de Bioparc Fuengirola celebra’l perfectu tao de salú de la madre y la cría y l’escelente acoyida que tuvo’l nuevu miembru de la familia per parte del restu del grupu de gorilas. «Toos amuésense comenenciudos pol nuevu miembru. Pero ensin llugar a dulda Wefa, la fema más nueva del grupu, ye la que s’amuesa más comenenciuda ya interesada, quiciabes pola so curtia edá o porque dende’l principiu fixo bon equipu con Buu», declaró Jesús Recuero, veterinariu de Bioparc Fuengirola. «Sía por un motivu o por otru, Wefa siempres ta abeyando per y barganal de la madre y la cría», señala.
Sigue leyendo «Naz en Bioparc Fuengirola el primer ñácaru gorila d’Andalucía»
La irrepetible guapura de les llárimes humanes
El fotógrafu Maurice Mikkers volvióse un espertu en fotografiar llárimes un pocu por accidente. Un día, en 2015, taba cristalizando diclofenaco cuando se cutió’l pie contra la mesa. Al ver una llárima rodar, rápido pensó que tendría de fotografiala y llevala al microscopiu col que taba trabayando.
Probó distintes técniques de cristalización, como polarización y de campu lluminoso, hasta qu’atopó la que lu sirvió: una de condensador de campu escuro. Al ver la llárima sol microscopiu sosprendiose de que paecía un pequenu planeta con una complexa testura. Los siguientes díes emplegó métodos comunes para provocase’l lloru, como comer cebolles o ver películes murnies.
Sigue leyendo «Fotógrafu capta la guapura emocional de llárimes cristalizaes nel microscopiu»
El prestíu periódicu inclúi al Principáu na so serie de fotorreportajes «El mundu al traviés d’una lente» para destacar la guapura de los sos paisaxes de monte y mariña: «Ganóse’l so llamatu de paraísu natural»
«¿Precises un momentu d’escape? Vea l’amplitú de la guapura que ye Asturies, una rexón nel noroeste d’España, que cunta con una variedá de montes y una mariña na so mayoría virxe, y onde nunca ta llueñe d’un güertu llenu de verdures». Asina viende’l prestixosu periódicu New York Times a Asturies.
Sigue leyendo «Asturies, «el paraísu natural d’España» según el New York Times»
/cloudfront-eu-central-1.images.arcpublishing.com/prisa/ONNA4OL7DRE3VPUEZIHXCDMQ2I.jpg)
L’afayu d’una moza coles sos armes en Andar cuestiona la teoría del home cazador
Testu de Miguel Ángel Criado. Diariu El País 4 de payares 2020
Una moza d’ente 17 y 19 años soterrada fai unos 8.000 años al pie de les sos armes amuesa que la caza de grandes animales nun yera solo cosa de los homes prehistóricos. Tres el so afayu, los sos autores revisaron otru centenar d’enterramientos atopando que más d’un terciu de los cazadores yeren en realidá cazadores. Estes resultancies cuestionen la idea dominante de que nes primeres comunidaes humanes yá había xuna división del trabayu por xéneru.
En 2018, arqueólogos estadounidenses y peruanos escavaron xuna serie d’enterramientos a 3.925 metros d’altor, nel distritu de Puno, n´Andar (Peru). N’una de les tumbes, al pie de un cuerpu mal calteníu había xuna ventena de piedres llabraes. Cuatro de los artefactos yeren puntes afilaes, probablemente usaes en venablos, xunas pequenes llances impulsaes por una especie de tubu. Tamién había cuchiellos de pedernal y otros oxetos cortantes. Atoparon amás ocre que, amás d’usalo como pigmentu, sirvía pa curar les pieles. Taben tan xuntes que los científicos creen que diben dientro d’un morral. A poca distancia había restos de tarucas (un venado andín) y vicuñas. Lo más llamativo vieno dempués: del analís de los güesos, supunxeron que se trataba d’una muyer, d’una cazadora.
Sigue leyendo «Les muyeres prehistóriques tamién cazaben grandes animales»
L’Asociación d’Escritores d’Asturies ta acabante anunciar que la escritora Carmen Ruiz-Tilve Arias ye la ganadora del XV Premiu de les Lletres d’Asturies. La entrega va producise en xineru si se dan les circunstancies sanitaries pa ello.
Ruiz-Tilve ñació’l 19 d’abril de 1941 n’Uviéu. Estudió Filoloxía Románica na Universidá d’Uviéu. La so Tesis de Llicenciatura trató sobre «El premio de novela Ciudad de Oviedo» y la so Tesis de Doctoráu foi un estudiu sobre «La obra narrativa de Dolores Medio», dambos trabayos empobinaos pol Profesor Martínez Cachero. Ye Caderalga, anguaño xubilada, de Didáctica de la Llingua y la Lliteratura na Universidá d’Uviéu, na qu’enseñó dende 1978. Ente 1980 y 1982 foi bibliotecaria, por oposición, na Facultá de Filoloxía d’esta mesma Universidá.
Al marxe de la so actividá universitaria, esplegó un ampliu llabor como articulista y como creadora, interviniendo con frecuencia en xuraos, principalmente lliterarios, y collaborando, al traviés de conferencies, charres y meses redondes, con delles instituciones y asociaciones culturales, asina n’Asturies como fuera d’ella, sopelexando les múltiples facetes de lo asturiano y uvieino.
Na so faceta lliteraria, publicó seis noveles, toes con Uviéu como escenariu, sol heterónimu de “Carbayo”: Crisantemos para todos (1994), La Edad de Oro (1995), Galería de Espejos (1998), Una Semana fuera del Calendario. (2000), espublizada enantes n’asturianu como Una Selmana fuera del Calendariu (1998), Cuentos Encadenados. (2001) y Las dos caras de Jano (2005).
Amás, asoleyó numberosos llibros d’investigación y divulgación sobre temática asturiana, como La vida comercial de Oviedo (1924-1935) a través de «Nosotros, los Rivero», La mujer asturiana en el trabajo tradicional, El Fontán, guía para nostálgicos, Alrededor de El Carbayón. El Campo se hace ciudad, Oviedo, en el Camino de Santiago, L’Uviéu de los años de posguerra (na obra colectiva Antonio García Oliveros, les palabres y los llibros), ente otros.
El so ampliu llabor como articulista na prensa asturiana mientres más de dos décades quedó compilada, nel casu de los sos “Pliegos de Cordel”, en seis tomos. Afaló y entamó, ente 2003 y 2016, el ciclu de conferencies de la Sociedá Uvieina de Festexos, alredor de la que se xeneró una avolumada y variada documentación divulgativa sobre la capital asturiana.
Recibió múltiples distinciones, ente elles el premiu Aula de Paz de la UNESCO, el Memorial «Muro de Zaro» de Comunicación 2005, la Paxarina d’Oru 2005, el V Premiu Timón (2014) y la Balesquida d’Honor (2016). Dende 2002 ye cronista oficial d’Uviéu, ciudá na qu’un colexu públicu, una cai y una sala de llectura lleven el so nome. Foi patrona de la Fundación Caveda y Nava que trabayaba pol consensu a favor de la oficialidá del asturianu.
DATOS D’INTERÉS: Distancia y duración averada de la visita: 3h – 5km
Preciu: 3 euros adultu (de baldre hasta’l 10 de Julio 2020).
Esiste tamién un bonu añal de 10€ con accesu ilimitáu para tol añu.
Horariu de visita: De 10:30 a 19:30 (ensin llinde de permanencia).
Nun ye necesariu acutar pal accesu llibre, solo para les visites empuestes.
Visites empuestes tolos díes a les 12:00 y a les 18:00.
Reserves para les visites empuestes en: 615148630 – 678865276
Na NASA tienen colgáu un cartelu nel que s’amuesa unes abeyes y lléese el siguiente mensaxe: “Aerodinámicamente el cuerpu d’una abeya nun ta fechu para volar; lo bono ye que l’abeya nun la sabe”. La llei de la física diz qu’una abeya nun puede volar, cada principiu aerodinámicu diz que l’amplitú de les sos nales ye bien pequena para caltener el so enorme cuerpu en vuelu; pero l’abeya nun la sabe, ella nun conoz nada de la física nin la so lóxica, y de toes formes vuela.
Eso ye lo que toos podemos faer, volar y prevalecer en cada intre énte cualquier dificultá y énte cualquier circunstancia a pesar de lo que digan.
Ensin importar el tamañu de les nueses nales, alcemos vuelu y esfrutemos del polen de la vida.
La flota del bonitu aumenta un 11% la so rentabilidá na costera d’anguaño, que se cerró ayeri con un balance de 986.716 quilos. La campaña desenvolvióse con normalidá y tolos barcos y rules tuvieron llibres d’andaes por coronavirus. Les captures nel Principáu caltienense l’alza y doblen les de va trés años
La flota asturiana ganó 3.937.000 euros na campaña del bonitu d’anguaño, un 11% más que na de 2019. La costera, que se cerró ayeri, desenvolviose con normalidá magar la crisis sanitaria y tanto los barcos como les rules tuvieron llibres d’andaes del Covid-19. Nesta ocasión, participaron 55 barcos, dos más que nel exerciciu pasáu, que prindaron 986.716 quilos. Esta cifra evidencia una enclín a l’alza nes captures, que dende 2017, con 426.000 quilos, dobláronse.
Nes rules asturianes, ente toles flotes (la del Principáu y les d’otres comunidaes), descargáronse 1.988.573 kilogramos. Los precios en primer vienta caltuviéronse ya inclusive en dalgunes rules superáronse los de 2019.
El preciu medio asitióse en 3,99 euros, polo que’l volume de vientes d’esta costera pa la flota de la comunidá algamó los 7.934.406 euros. L’añu pasáu, descargáronse 2.298.598 quilos que se vendieron a un costu mediu de 3,92 euros. La costera del bonitu empezó a mediaos de mayu con incertidume en relación a la rentabilidá de la campaña. Sicasí, el balance final ye más positivu qu’en 2019.
Sigue leyendo «La flota del bonitu aumenta un 11% la so rentabilidá»
¡La isla de basura/basoria finalmente ta sumiendo (desapareciendo)!
La Great Pacific Garbage Patch ye una isla de borrafes plástiques asitiada nel Pacíficu que dende va tiempu constitúi un grave problema medioambiental. Afortunadamente, dellos proyectos tán tratando d’esaniciala y unu d’estos, el llamáu proyectu Kaise, acaba de recuperar unes 103 tonelaes de borrafes. ¡Trátase de la mayor llimpieza del océanu de la hestoria! Nós somos optimistes y tamos convencíos de que bien llueu vamos consiguir esaniciar tol plásticu del océanu para convertilo en nuevos oxetos circulares. #AreyouR
Los problemes medioambientales son en realida problemes sociales. Cuado empiecen les persones son les causes, y cuando terminen les persones son les víctimes. (Edmund Hillary)
Cuando curamos a la tierra, curamos a nós mesmos. (David Orr)
Qu’Asturies ye ún de los países con una mitoloxía más rica ye dalgo qu’inoren poques persones. Hasta fuera de les propies llendes d’Asturies, la mitoloxía asturiana conozse (anque seya someramnete). Cuélebres, Trasgos, Xanes, Nuberos, Homes Marinos, Busgosos… y unes cuantes criatures más faen de la mitoloxía asturiana una de les más amplies de la Península Ibérica. Pero… ¿Treslládase esta bayura de la mitoloxía asturiana a les artes y a la cultura asturiana d’actual? ¿Ta presente na lliteratura o na música? ¿Conozse fuera d’Asturies?
Sigue leyendo «Lliteratura asturiana: La infantilización de la mitoloxía»
Na plataforma PlayPresta, Saúl anímamos a consumir productos asturianos en La Casería. Agora más que nunca, tócanos da-y sofitu al sector productivu d’Asturies.
Consumir productos asturianos | La Casería 2×12
Na web “Soberanía Alimentaria” ufren esti artículu d´interés. Sigue leyendo «Consumir productos asturianos»
