- Fonte: Lliga Celta d’Asturies / mapa
Asturies ye una de les naciones celtes de la península Ibérica con mayor diversidá d’etnies celtes dientro del so territoriu. L’Asturies d’angüañu tien, dende’l puntu vista les etnies celtes, trés divisiones naturales: el ríu Navia pel oeste y el ríu Sella pel este. Al oeste del ríu Navia atópense la tribu de los Albiones, Cibarcos, Egobarros… toos ellos d’etnia galaica -nun se debe confundir «galaicu» con «gallegu» yá que son coses evidentemente estremaes-; dende’l ríu Navia hasta’l ríu Nalón, aprosimao, atopábase la tribu de los Paesici, d’etnia astur; dende’l ríu Nalón al ríu Sella falaríamos del territoriu de los Luggoni -lliteralmente significa «fíos y fíes de Lug», tamién d’etnia astur; y dempués del ríu Sella atopábase les tribus de los Orgenomescos y Vadinienses d’etnia cántabra. Como puede apreciase, toes la tribus y etnies presentes na Asturies de la Edá del Fierro yeren evidentemente celtes.
