Publicado en Artículos, NATURA

Robot espía capta a gorilas selvaxes cantando mientres cenen

 

Un robot espía capta per primer vegada en video a gorilas selvaxes del monte cantando mientres cenen. Mira les sorprendentes imaxes en video. Ver artículu orixinal d´Ecoosfera.

Mirando a los güeyos al gorila animatrónico. ©John Downer Productions.

Un robot espía capta per primer vegada a gorilas cantando y tarareando mientres tastien la so cena. La naturaleza tien una y mil formes de sosprendenos. Bien poques vegaes l’humanu puede averase tantu a ella como para captala nel so estáu más selvaxe. Sicasí, los investigadores nun se dan por vencíos y se les inxenian para nun alteriar el comportamientu más xenuinu de les especies. Tantu, que s’inventaron un robot espía con forma de gorila.

Gracies al prototipu de robot gorila, captaron a un grupu de gorilas selvaxes del monte cantando mientres la cena. Esti comportamientu yá fuera confirmáu en 2016, cuando un audiu grabáu por investigadores de campu, reveló que los gorilas canten para sí mesmos mientres comen.
robot graba gorilas cantando Familia de gorilas

Los autores de la investigación de 2016, afayaron que los gorilas mayores cantaben y tarareaban a la de la comida más que los mozos. Tamién apuntaron que machos cantaben con más frecuencia que les femes. Para sorpresa de los espertos, d’igual forma documentose que ye más probable que los gorilas canten mientres comen plantes y granes, en llugar d’insectos.

Sicasí, esti comportamientu solo describióse de forma anecdótica nel pasáu. Hasta agora, qu’un robot de cría de gorila se infiltrose n’una menada de gorilas de monte. L’espía pudo captar per primer vegada en video a los exemplares de gorila cantando bien serenamente mientres mazquen fueyes y tarmos.

Robot espía animatrónico ©John Downer Productions.

Crear un robot realista animatrónico que pudiera infiltrarse ente la menada de gorilas selvaxes, ye de suma importancia pa captar a los exemplares nel so estáu más xenuinu. Al nun sentise alteriaos, los gorilas siguen coles sos rutines diaries. Esto abre la posibilidá a los investigadores, d’estudiar conductes auténtiques d’especies animales nel so estáu más puru.

Llogralo tienen les sos implicaciones, esto ye, ye necesariu diseñar un espía que paeza real. Pa ello, tienen d’incluyise la mayor cantidá de detalles posibles na cara del gorila robot. Al par de dotalo d’espresiones fáciles capaces d’engañar a los gorilas de monte.

L’equipu de “Spy in the Wild 2”  crearon un robot con tal grau de detalles na cara que cuando lo infiltraron ente la menada, ésta aceptolu. Asina pudieron llograse les imaxes de vídeu de gorilas cantando pa sigo mesmos mientres mazcaben la so cena. Ver videu.

El vídeu, que forma parte del primer episodiu de la serie “Spy in the Wilds 2”, déxanos claro que los gorilas tienen estructures complexes de socialización. Amás de comportamientos qu’hasta va unos años, solo creíase que pertenecíen a los humanos.

Autor:

Maestra de Llingua Asturiana Colexu Carmen Ruiz-Tilve - Uviéu