Publicado en Premios

XXXVI Premiu Andrés Solar

Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar. La Xunta pola Defensa de la Llingua Asturiana (XDLA) valoró de manera mui positiva l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies. El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales.

Los Premios Andrés Solar creólos la Xunta pola Defensa de la Llingua Asturiana en 1985 n’alcordanza del escritor y miembru de la organización Andrés Manuel Solar Santurio, muertu n’accidente de tráficu en 1984. Tienen dos categoríes: el Pegollu, empobináu a los que defendieran la llingua asturiana o favorecieran la so normalización, y el Madreñazu purpurina, p’aquellos que desanicien o continúen testeronamente desprestixando’l valir de la llingua y el sentimientu de los sos falantes.

La marca de ropa creada por Enar Areces recibe’l Premiu Andrés Solar de la Xunta Pola Defensa de la Llingua Asturiana.

Enar Areces, fundadora de Puru Remangu.

Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar. La Xunta pola Defensa de la Llingua Asturiana (XDLA) valoró de manera mui positiva l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies. El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales.

“Esti añu 2020, foron delles les candidatures propuestes como merecedores del Premiu Andrés Solar, lo que ye un signu mui positivu de la vitalidá de la reivindicación llingüística n’Asturies y de la voluntá de tantos asturianos y asturianes de vivir y trabayar n’asturianu, entamando proyectos n’ambitos tan estremaos como’l deporte, la moda, la telefonía móvil o los xuegos infantiles, ente munchos otros” señala XDLA nun comunicáu: “la Xunta nun pue más que felicitase y felicitar a toos y toes, amás d’esperar que pa otres ocasiones la escoyeta tea igual de díficil qu’anguaño”.

Por último, nesta edición, como yá pasara na anterior, la XDLA decidió nun dar la Madreña de Purpurina, el premiu negativu y dexar el Pegollu como únicu gallardón —positivu— d’estos Premios Andrés Solar pos “les posiciones en contra de la reconocencia de derechos pa los falantes de les llingües d’Asturies son yá testimoniales y nun merecen un minutu más de protagonismu”. Otra novedá d’esta edición ye que, pola situación sanitaria, nun va poder celebrase l’actu d’entrega habitual en Xixón, asina qu’esti xueves 17 d’avientu, a les 20 hores, va presentase un videu especial na canal de YouTube de la XDLA.

Autor:

Maestra de Llingua Asturiana Colexu Carmen Ruiz-Tilve - Uviéu