Publicado en Artículos, RTPA

Los xardinos de La Fonte Baixa

DATOS D’INTERÉS:  Distancia y duración averada de la visita: 3h – 5km

Preciu: 3 euros adultu (de baldre hasta’l 10 de Julio 2020).
Esiste tamién un bonu añal de 10€ con accesu ilimitáu para tol añu.

Horariu de visita: De 10:30 a 19:30 (ensin llinde de permanencia).
Nun ye necesariu acutar pal accesu llibre, solo para les visites empuestes.
Visites empuestes tolos díes a les 12:00 y a les 18:00.
Reserves para les visites empuestes en: 615148630 – 678865276

Esta xoya verde yá ye unu de los mayores atractivos turísticos de L.luarca

 

El monte xardín de La Fonte Baixa, en L.luarca, ye una de les ayalgues meyor escondíes del conceyu, propiedá de la familia fundadora de la empresa Panrico. Con ellos, anguaño’l Conceyu algamaba un alcuerdu d’arriendu pol qu’esti espaciu pasaba a abrir al públicu. Una apuesta que, unos meses dempués, ciérrase con unu de los meyores balances que se podíen imaxinar: cuasi 15.000 visitantes. Una cifra más sorprendente entá, si se compara colos 11.000 habitantes colos que cunta’l conceyu.

Ye un espaciu únicu. Un xardín escalonáu d’ocho hectárees, el mayor de toa España de titularidá privada y una de les grandes ayalgues de L.luarca. Nos sos seis paseos escuende miles d’especies, dende camelies a felechos xigantes de Tasmania, pasando per otres autóctones, como los dos castaños de 600 años que’l so propietariu, el fundador de la empresa Panrico, traxo dende Tinéu.

Inclusive en díes grises y lluviosos, son munchos los curiosos que s’averen dende tolos puntos del país pa conocer esti espaciu únicu. Pel momentu pue esfrutase malapenes la metá del xardín. El Conceyu yá trabaya n’adaptar el restu, con un alcuerdu d’arriendu per ocho años, pero col suañu de futuru de mercar esta xoya verde que, en malapenes tres meses, yá ye unu de los mayores atractivos turísticos de L.luarca.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Un comentario sobre “Los xardinos de La Fonte Baixa

Los comentarios están cerrados.