Publicado en Día de..., NATURA

Día Internacional del aire llimpio per un cielu azul

 

Videu: El aire y la necesidad de ventilar

«Pasamos ente’l 80-90% de les nueses vides nel interior d’edificios»

L’aire llimpio ye importante pa la salú y la vida cotidiana de les persones, y la contaminación atmosférica ye’l mayor riesgu ambiental pa la salú humana y una de les principales causes de muerte y enfermedá en tol mundu que podríen evitase. Dicha contaminación afecta de manera desproporcionada a les muyeres, los neños y a les persones d’edá avanzada y tien efectos negativos nos ecosistemes.

En septiembre de 2019, l’Asamblea Xeneral de les Naciones Xuníes designó’l 7 de setiembre como’l Día internacional del aire llimpio. Dáu’l contestu actual de la pandemia de COVID-19, el día asume un papel entá más importante al destacar la urxencia d’encetar la contaminación del aire en beneficiu de la salú humana.

L’aire qu’alendamos en munchos llugares del mundu, especialmente les grandes ciudaes, ta bien llueñe de ser puru. Esisten pequenes partícules invisibles de contaminación qu’enfusen nos nuesos pulmones, la nuesa sangre y los nuesos cuerpos. Estos pequeños contaminantes son los responsables d’aprosimao un terciu de les muertes por accidente cerebrovascular, enfermedá respiratoria crónica y cáncer de pulmón, lo mesmo que de una cuarta parte de les muertes por ataque cardiacu. L’ozonu troposférico, producíu pola interacción de munchos contaminantes distintos na lluz solar, ye tamién causante d’enfermedaes como l’asma y enfermedaes respiratories cróniques.

Magar l’aire ye absolutamente vital pa la nuesa esistencia, tamién puede ser bien nocivu pa nuesa salú. Los contaminantes climáticos de curtia duración atópense ente los contaminantes más rellacionaos colos efectos sobro la salú y el calentamientu del planeta al curtiu plazu. Pueden permanecer na atmósfera por tan solu unos pocos díes o hasta delles décades, polo qu’amenorgalos puede tener beneficios casi inmediatos pa la salú y el clima pa quien viven en llugares onde los niveles cayen.

L’aire: Impactu na salú

Esisten pequenes partícules invisibles de contaminación qu’enfusen nos nuesos pulmones, la nuesa sangre y los nuesos cuerpos. Estos pequeños contaminantes son los responsables d’aprosimao un terciu de les muertes por accidente cerebrovascular, enfermedá respiratoria crónica y cáncer de pulmón, lo mesmo que de una cuarta parte de les muertes por ataque cardiacu. L’ozonu troposférico, producíu pola interacción de munchos contaminantes distintos na lluz solar, ye tamién causante d’enfermedaes como l’asma y enfermedaes respiratories cróniques.

La contaminación atmosférica ye’l mayor riesgu ambiental pa la salú humana y xuna de les principales causes evitables de muertes y enfermedaes en tol mundu, responsable d’aprosimao 6,5 millones de muertes prematures en tol mundu (en 2016) atribuyíes a la contaminación atmosférica n’interiores y al campu. Nos países en desenvolvimientu, esti tipu de contaminación afecta de manera desproporcionada a les muyeres, los neños y los vieyos.

 

Autor:

Maestra de Llingua Asturiana Colexu Carmen Ruiz-Tilve - Uviéu