«Memoria de Tuña», d’Antón García, meyor llibru n’asturianu del añu 2019 pa la Tertulia Malory
La Tertulia Malory, de L’Entregu, escoyó como meyor llibru n’asturianu de tolos que s’editaron nel 2019 la novela Memoria de Tuña, del escritor , editor y actual Director Xeneral de Política Llingüística del Gobiernu d’Asturies, Antón García.
El xuráu destacó, nel acta del fallu, «La novela guarda una unidá tonal, l’autor ye quien a construir, a partir de la señaldá y el sentimientu, un universu simbólicu, onde con emoción controlada facer un homenaxe al pueblu, la familia, la infancia y la tradición”, amás de la calidá de la producción lliteraria n’asturianu del añu 2019, lo que fixo que la decisión de premiar la novela d’Antón García se garrara por mayoría.
El gallardón consiste nuna ilustración d’Alfonso Zapico y una medaya conmemorativa, que se van entregar nun actu públicu en L’Entregu en feches próximes.
- Títulu: «Memoria de Tuña»
- Testu: Antón García
- ISBN: 978-84-949793-9-2
- Edición: Primera
- Publicación: 01/11/2019
- Formatu: 16 x 22,5 cm
- Editorial: Saltadera
- PVP: 20 €
Memoria de Tuña ye la cuarta obra narrativa d’Antón García depués de El Viaxe (1987), Díes de muncho (1998) y Crónica de la lluz y la solombra (2015).
Antón García (Tuña, 1960) Escritor y editor, ye ún de les principales figures de la lliterartura asturiana del Surdimientu. Llicenciáu en filoloxía española pela Universidá d’Uviéu, como editor funda les editoriales Tsibros de Frou (1983-1988), Trabe (1992) y Saltadera (2007). Dende 2019 ye’l Director Xeneral de Política Llingüística del Gobiernu d’Asturies.
Testu d´Antón en Facebook 7 Setiembre 2020: Ver