La irrepetible guapura de les llárimes humanes
El fotógrafu Maurice Mikkers volvióse un espertu en fotografiar llárimes un pocu por accidente. Un día, en 2015, taba cristalizando diclofenaco cuando se cutió’l pie contra la mesa. Al ver una llárima rodar, rápido pensó que tendría de fotografiala y llevala al microscopiu col que taba trabayando.
Probó distintes técniques de cristalización, como polarización y de campu lluminoso, hasta qu’atopó la que lu sirvió: una de condensador de campu escuro. Al ver la llárima sol microscopiu sosprendiose de que paecía un pequenu planeta con una complexa testura. Los siguientes díes emplegó métodos comunes para provocase’l lloru, como comer cebolles o ver películes murnies.
Lo interesante del casu ye que les llárimes, como los falopos de nieve, nunca son iguales. Lo que se ve nel microscopiu son minerales cristalizaos n’unión con mucinas (proteínes que formen xeles). Esisten trés tipos de llárimes: les basales, les reflexes y les emocionales o psíquiques. Les llárimes basales siempres tán siendo producíes, son parte del mugor del güeyu. Les llárimes reflexes pueden llograse cuando una persona tien una reacción, como cuando se cortar una cebolla. Les emocionales surden del dolor y el placer.
Una de les razones que faen tan especiales a les llárimes emocionales ye que tienen componentes químicos que nun s’atopen n’otru tipu de llárimes, por casu, prolactina, ente otros químicos. Pero más allá d’esto, la razón pola que les semeyes siempres son distintes tienen que ver coles condiciones nes que s’ensuguen les llárimes.
Fotografíes de llárimes vistas dende’l microscopiu
Mikkers volvióse un espertu fotografiando llárimes y creó los sos propios eventos nos que les persones comparten les sos llárimes. Tamién desenvolvió kits por que la xente pueda unvia-y les sos llárimes per corréu y asina llograr otres imaxes. Esto llevó-y a dar una plática en TED y munchos otros eventos. Nun hai dulda de que les llárimes son formoses y producen fascinación.
