- Fonte: La Voz
La sección de viaxes de la prestixosa publicación asitia a una d’estes localidaes na selección de les 20 más destacaes. Trátase de Bandujo, Llastres, Taramundi, Tazones y Cuideiru. Amás, esti postreru destaca especialmente al incluyise na selección de les 20 más formoses.
Resulta complicáu atopar un ranking nacional sobro paisaxes o monumentos naturales nel que nun s’incluya dalgún enclave asturianu. Y, como cabía esperar, el llistáu de los 100 pueblos más guapos d’España ellaboráu pola sección de viaxes de National Geographic nun ye xuna esceición. La prestixosa publicación asitia cinco localidaes del Principáu ente’l centenar de les más guapes del país.
L’artículu supon «un viaxe pola España rural y polos sos principales poblaciones», según la revista. La llista de les 100 localidaes ta ordenada por orde alfabéticu, pero d’ente toos ellos, los redactores de la publicación destacaron les que, al so xuiciu, son les 20 meyores. Ende cólase Cuideiru.
Cuideiru
D’esta localidá costera, National Geographic destaca la ilesia del cascu históricu, «parada imprescindible pa los visitantes que, ente xubíes y baxaes, siguen el so percorríu pola capiya del Humilladero, la Rula o la Fonte del Cantar, ensin pasar per alto los miradores d’El Picu, Cimadevilla, la Talaya, el Faru y la Garita».
Al xubir a esti postreru, prosigue la esplicación de la revista, «les vistes estiéndense pol faru, el puertu y la villa. A midida que xúbese peles fasteres de la contorna, el glayar de les gaviluetes dexa espaciu al mugir de les vaques, y l’aspeutu de Cuideiru muta del azul del Cantábricu al verde intensu del so interior».
Bandujo
D’esti pueblu del conceyu de Proaza, la publicación sorraya que se ta asitiáu nel Valle del Osu y que s’atopa arrodiáu pola pimpana visión de los cumes de serrapatosos montes como’l picu Gorrión, allugáu na sierra del mesmu nome».
La localidá, de 40 habitantes según la revista, ta «estremada de les rutes turístiques más populares», un factor que dexó «qu’el so patrimoniu arquitectónicu permaneza bien calteníu». Declarada Bien d’Interés Cultural, National Gegraphic señala como puntos d’interés la so torre, el palaciu y l’ilesia, que completen «unu de los conxuntos medievales meyor calteníos de la rexón», asegura.
Llastres
Al pie de Cuideiru, ye otru de los clásicos nesti tipu de llistaos. Del pueblu pesqueru, la revista menta’l mirador de San Roque, l’espigón de 55 metros o los restos del fortín d’El Castiellu. Tamién cita’l so cascu antiguu, la torre del reló y aconseya «detenese en dalguna de les sos sidreríes y tastiar un ricu platu de pexe fresco».
Taramundi
«Estremeru con Galicia, Taramundi vivi somorguiada dende tiempos inmemoriales nel reinu de l’agua, ente ríos, regueros y cascaes». Con estes palabres empieza la revista la descripción de los encantos de la localidá. Amás, destaca’l Conxuntu Etnográficu de Los Teixois, asitiáu a cinco minutos del pueblu.
La revista sorraya que se trata d’un llugar nel que perviven los oficios más tradicionales y menta los sos populares cuchiellos y navayes. National Geographic recuerda que’l conceyu, d’unos 600 habitantes, foi pioneru a nivel nacional nel sector del turismu rural.
Tazones
Otru de los habituales nestes selecciones de llugares con encantu. La revista reflexa que se trata d’un pueblu colorista y prácticamente simétricu que cai selemente al mar dibuxando xuna rede de callejuelas».
Tazones, en Villaviciosa, foi lo primeru que conoció l’emperador Carlos V nel so primer viaxe a la Península, nel añu 1517, d’ende la fiesta conmemorativa que se celebra tolos años y que ta declarada d’Interés Turísticu Rexonal. La publicación tamién fai referencia a la so sablera o los xacimientos de buelgues de dinosaurios.
