«Historia d’un bosque» ye un musical familiar de Nacho Fonseca. Estrenóse n’asturianu na 44 Selmana de les Lletres Asturianes dientro de la programación preparada pola Conseyería de Cultura, Política Llingüística y Turismu. Ufriéronse tres pases qu’enllenaron el Teatru de la Llaboral en Xixón: alredor de tres mil espectadores en directo.
Nel espectáculu participaron la 𝐎𝐒𝐏𝐀 Orquesta Sinfónica del Principado de Asturias, el Grupu d’Animación Musical Escolar GAME, la Escuela de Danza Alazne Castaño, la Escuela de Música Divertimento, Siero Musical, les solistes Marta Fernández, María Alonso y Ellie Garnham y los narradores Maite Casado y Alberto González, baxo la dirección de Rubén Díaz.