La XORDA ye lo que pasa cuando la xente s’axunta,
dempués del trabayu, pa cantar, baillar y pasalo bien.
Rodrigo Cueves escueye los cantares para’l chigre del sieglu XXI. La primer obra de la naciente editorial n’asturianu «Cierva y Culiebra Ediciones» ye esti cancioneru, xuntu con otru llibru sobro la presencia del diañu na tradición n’Asturies.
“Cierva y Culiebra Ediciones» ye’l nome de la nueva editorial en llingua asturiana qu’acaba de nacer y que ta dirixida por Xaime Martínez, músicu y escritor, ganador del Premiu Nacional de Poesía Nueva de 2019, amás d’investigador de la Universidá d’Uviéu, onde s’especializa na obra del padre Feijoo. El nuevu sellu sumise a un sector que vive un momentu duce na rexón, con 26 editoriales integraes yá dientro del Gremiu d’Editores d’Asturies.
L’arranque d’este sello editor, lleva la firma d’unu de les cares más populares de la cultura asturiana actual: Rodrigo Cuevas. Los dos primeres obres que Cierva y Culiebra Ediciones van ser «La Xorda. Nuevos cantares de chigre», con prólogu y selección a cargu del músicu uvieín residente en Piloña y «Nun vaya ser el demoniu. El diablu n’Asturies», obra de dellos autores. El primer volume ye «una renovación de los antiguos cancioneros para cantar nos chigres y sidreríes». «La Xorda», según esplica la editorial, «ye lo que pasa cuando la xente s’axunta, depués del trabayu, pa cantar, baillar y pasalo bien». Y el segundu llibru que van publicar recueye «testos diabólicos” de tola tradición asturiana dende la Edá Media y hasta l’actualidá.
Los promotores d’esti proyectu tán desenvolviendo una camapña de crowdfunding en Goteo.org qu’empezó’l pasáu 15 de mayu y onde lleven yá recaldáu’l 70% del capital. Quieren sacar al mercáu unu o dos llibros al añu “pero bien curiaos”. La nueva editorial quier “editar llibros qu’ayuden a repensar el mundu”, pero ensin poner llendes xenériques. “Va Haber lliteratura, pero tamién pensamientu y non ficción”, esplica Xaime Martínez.
Amás de Xaime Martínez, nel conseyu editorial participen David Guardáu, Fernando Martínez Llavandera, Natalia González o María García Díaz. El diseñu web cuerre al cargu de Diego Álvarez Miguel. El cuidáu diseñu de les obres, según el delicáu sellu de la editorial, ye obra de Lucía Aranaz. «El tipu de diseñu dexábanos faer una referencia al primer editor conocíu, Aldo Manuzio, inventor del áncora y el delfín», esplica’l director de la nueva editorial
El nome -«Cierva y culiebra»- vien d’un esconxuru vaqueiru que recoyó Jesús Suárez López, esplica Xaime Martínez. «Según los autores clásicos, si un ciervu ta enfermu o vieyu, saca a una culiebra del so nial cuspiendoy agua y trágase a la culiebra, dempués busca una fonte y bebe enforma vencer el venenu y, finalmente, queda remocicáu y curáu. Nós queremos ser el ciervu, la culiebra y el velenu». «Según los autores clásicos, si un ciervo está enfermo o viejo, saca a una serpiente de su nido escupiéndole agua y se traga a la culebra, después busca una fuente y bebe mucho vencer el veneno y, finalmente, queda rejuvenecido y curado. Nós queremos ser el ciervu, la culiebra y el velenu»
Según el director de la nueva editorial «el nome unvia al calter dialécticu del proyectu, yá que como la culiebra maldita y la cierva bendita aspiramos a xenerar conflictu y movimientu».
L’equipu de Cierva y Culiebra
Apuesten pola lliteratura n’asturianu. «Creemos que la lliteratura n’asturianu puede algamar inda munchos públicos nuevos. Yo siempres digo que la diferencia ente’l númberu de xente que llee en castellán n’Asturies y la que llee n’asturianu ye bien grande (en parte pola falta d’alfabetización n’asturianu de la sociedá), y ye ende onde queremos trabayar», apunta Xaime Martínez, quien cree que «la edición asturiana ye un exemplu de resistencia y de bon trabayu, como demuestren los sellos acomuñaos al Gremiu d’Editores, especialmente en circunstancies como les asturianes. Pela nuesa parte, tenemos munches ganes de trabayar mano a mano con los autores, investigando nueves polítiques de la edición y editando testos pensaos ex-profeso pal sistema lliterariu asturianu».
