Sigamos cola hestoria d’esta llinda ciudá que tamos perdiendo. L’últimu rei foi Alfonso lll El Magno, qu’herieda’l tronu a los 18 años na corte uvieina nos años 866 al 910.
- Fonte: Adolfo García / imaxe
Edifica un nuevu palaciu real llamada La Fortaleza. Casi al empezar el so reináu tien que coyer la espada y solmena-yos a #el musulmanes qu’entren por Alava.
Nun confundir a esti Alfonso col so predecesor, esti nun yera castu y a los ventiún años yá tenía cuatro fíos con Ximena, una princesa navarra: García, Ordoño, Fruela y Ramiro.
Ordena construyir la basílica de San Salvador de Valdediós, un magníficu templu na tumba del apóstol Santiago, en Compostela, una serie de formoses ilesies rurales y la fuentina de Foncalada n’Uviéu. Cunten les lleendes que nes nueches de lluna llena baxaben les doncelles a bañase na fonte.
Pero la so obra más importante ye la Cruz de la Victoria, el símbolu d’Asturies naz n’añu 908, nel castiellu de Gauzón.
Pero la so vida nun tien un final feliz. Los sos fíos oblíguen-y a abandonar el tronu y recluyinlu nel valle de Boides, barganal de la basílica. Como yá sabemos, cría cuervos y anque nun-y sacaron los güeyos destronáron-y.
Pero Alfonso nun se resigna a la so reclusión. Pide al so fíu García un exércitu y parte col a les fronteres conquistando nueves tierres en manos musulmanes.
Nos últimos díes de la seronda del añu 910, escosu y enfermu, #quedar en Zamora, onde muerre’l 20 d’avientu. Y con él termina la Monarquía Asturiana.
