El corazón verde que llate n’Uviéu: miles de persones esfruten del Martes de Campu. El parque San Francisco, a tope: «Tuvimos que madrugar pa coyer sitiu»
Concluyíu Pentecostés, Uviéu celebra una de les sos fiestes mayores: el Martes de Campu. Miles de persones tomaron, dende primer hora, el Campu San Francisco para esfrutar del bollu. La Sociedá Protectora de La Balesquida partió, mientres tola mañana, la friolera de 4.000 bollos. Pela so parte, la confrería de La Balesquida fixo lo propio colos sos miembros, al pie de la capiya. El bon tiempu y les ganes d’esfrutar de la xente dexáronse notar dende bien temprano, col Campu atarraquitao de xente. «Tuvimos que madrugar pa coyer sitiu», aseguraben dellos participantes na fiesta.
