Publicado en Día de...

Día Mundial del Retrete

Güei celébrase’l #DíaMundialdelRetrete🚽, coles mires de visibilizar que casi la metá de la población mundial escarez de servicios de saneamientu xestionaos de forma segura.

Con esta campaña Cadasa súmase a la celebración de la Selmana Europea de la Prevención de Residuos/Borrafes, que se va celebrar del 21 al 29 de payares y mientres la cual va dase a conocer tamién el proyectu d’educación ambiental los Cuentos de l’Agua” que ta dirixíu a los escolares de 4º de primaria del Principáu d’Asturies y col que quier concenciase a los alumnos sobro la necesidá de faer un correctu usu de l’agua y un fayadizu tratamientu de les borrafes del llar pa fomentar el so minimización y recicláu y torgar que lleguen a la rede de saneamientu.

col fin de concenciar a la población sobro la importancia del accesu sostenible a l’agua potable y a servicios básicos de saneamientu

 

 


“¿A quién-y importen los retretes? A 3 600 millones de persones. Porque escarecen d’unu que funcione correchamente”. Asina arrinca la campaña del Día Mundial del Retrete 2021 cola que se pretende visibilizar que casi la metá de la población mundial escarez de servicios de saneamientu xestionaos de forma segura.

Basta con que delles persones d’una comunidá nun dispongan de retretes aptos por que la salú de toos tea en peligru. El saneamientu deficiente contamina les fontes d’agua potable, los ríos, les sableres y los cultivos alimentarios y esparde enfermedaes mortales ente la población.

Anguaño la tema «Valoremos los retretes» fai fincapié nel fechu de que los aseos —y los sistemes de saneamientu nos que se basen— tán infrafinanciados, mal xestionaos o desdexaos en munches partes del mundu, y ello entraña consecuencies devastadores en múltiples ámbitos, cuantimás nes comunidaes más probes y marxinaes.

La solución anicia n’adoptar midíes que dexen dar respuesta a la crisis de saneamientu mundial y llograr l’Oxetivu de Desenvolvimientu Sostenible (ODS) 6, que la so finalidá ye garantizar la disponibilidad d’agua y saneamientu para toos d’equí a 2030.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *