Publicado en Día de..., Muyer

Día Internacional de la Muyer Emprendedora/entamadora

Según l’Observatoriu del Emprendimiento Rede GEM España, España atopase na vanguardia del emprendimiento femenín, con 9 muyeres entamadores por cada 10 homes, mientres la media europea asitiase en 6 por cada 10 homes. Nun hai sociedá que progrese escaeciéndose de la metá de la so población.

El 19 de payares celebra’l Día Internacional de la Muyer Entamadora, impulsáu pola organización Women’s Entrepreneurship Day Organization (WEDO), en más de 140 países. Esta conmemoración tien l’oxetivu de empoderar, sofitar y celebrar a les muyeres entamadores nel mundu, según inspirar ya impulsar a les muyeres y neñes a convertise en participantes actives de la economía.

Igualdá de xéneru para un mundu más sostenible

Güei más que nunca se precisa que nel mundu enteru esista una igualdá de xéneru. D’alcuerdu a les Naciones Xuníes, les muyeres tienen derechos inalienables, que vieno sofitando dende la so Carta Fundacional.

Nel añu 1948, mientres una asamblea estraordinaria de la Organización de Naciones Xuníes celebrada’l 10 d’avientu, aprobóse la declaración que reafita que tolos seres humanos tienen derechu a la llibertá, la igualdá y la dignidá, ensin nengún tipu de distinción d’alcuerdu a la so raza, color, sexu, idioma, relixón o cualesquier otra condición.

Tuvieron que trescurrir unos años más por que la Asamblea Xeneral declarara en 1975 l’Añu Internacional de la Muyer, que dio llugar a que se realizara la primer Conferencia Mundial sobro la Muyer, tou esto gracies a los innumberables movimientos feministes qu’en tol mundu llevaronse a cabu mientres la década de los 70.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *