Publicado en Curiosidaes, NATURA

El predador natural del pexe mosquitu, consideráu una de les especies invasores más nocives del mundu.

El pexe robot ye idénticu a una llubina negra, el depredador natural del pexe mosquitu, consideráu una de les especies invasores más nocives del mundu.

El pexe mosquitu (Gambusia affinis) ye orixinariu del Golfu de México. Con un tamañu máximu de siete centímetros y una cola abierta en forma d’abanicu, tratase d’una especie que difícilmente resalta del restu de la so familia; sicasí, tien una característica que lo llevó a ser introducíu pola mano humana a tol mundu:

Especializáu en rondar xusto debaxo de la superficie en busca d’alimentu, el pexe mosquitu (tamién conocíu como *´gambusina) ye un depredador natural de bárabos y pupes de mosquitu que cuelguen bocabaXo na superficie d’agües enllancaes.

Esta habilidá, aunida a la necesidá de controlar al mosquitu como vector de distintes enfermedaes, provocó la so introducción a Europa y el restu del mundu a entamos del sieglu XX. Y anque de primeres la población de mosquitos amenorgóse drásticamente, la so habilidá para afaese a distintes temperatures y competir con pexes y anfibios nativos llevOLU a convertise n’una de les 100 especies exótiques invasores más nocives del mundu, según la Unión Internacional para’l Caltenimientu de la Naturaleza (UICN).


Semeya: NOZO / Wikimedia

Un sieglu dempués, un grupu de científicos de la Universidá d’Australia Occidental desenvolvió una solución novedosa para amenorgar l’efectu de les gambusinas nos ecosistemes onde foi introducíu:

Tratase d’un pexe robot que nada, pórtase y tien una apariencia idéntica a la llubina negra (Micropterus salmoides), una especie que multiplica’l tamañu de la gambusina y considérase unu de los sos principales depredadores nel so hábitat natural.

Mientres les pruebes en llaboratoriu, l’equipu dispunxo de dolce tanques con seis pexes mosquitu en cada unu, amás d’una cucharapa de Litoria moorei, una especie nativa d’Australia que ye davezu presa del pexe mosquitu. Cada vez qu’una gambusina averase a morder a la cucharapa, el pexe robot ataca para provocar la so fuxida.

Dempués d’analizar el comportamientu de los pexes mosquitu nos tanques onde s’introdució’l pexe robot y comparalo coles peceres onde nun s’introdució, los investigadores concluyeron que la presencia del robot provocó cambeos físicos, nel comportamientu y la reproducción del pexe mosquitu que s’enllargaron mientres selmanes dempués del esperimentu.

En presencia del robot, los pexes mosquitos decidieron nadar xuntos en llugar d’esquizar el tanque y poro, los sos ataques escontra la cucharapa amenorgar drásticamente. Amás, tolos individuos que compartieron tanque col robot amosaron una perda llixera de pesu (probablemente debíu al estrés y medrana que causaba’l pexe robot).

Entá ye más: l’habilidá reproductiva de los pexes mosquitu amenorgóse significativamente. N’analizando la calidá y cantidá d’espermatozoides de los machos de tanques con y ensin robot, l’equipu afayó que les célules sexuales de los individuos espuestos al pexe robot menguaron n’aprosimao 50 % comparáu col restu de pez mosquito.

Y anque la resultancia del estudiu nun pretende probar robots similares na naturaleza, trtar´SE d’una amuesa de que ye posible desenvolver alternatives distintes a les usaes hasta’l momentu para embrivir l’impactu de les especies invasores:

“El nuesu plan nun ye lliberar a cientos de miles d’estos robots na naturaleza y pretender que resuelvan el problema, pero puede haber más d’una forma d’asustar a un pexe mosquitu. Da-y a los pexes un golor similar al del so depredador, por casu, podría inducir cambeos similares”, esplica Giovanni Polverino, ecoloxista conductual y autor principal del estudiu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *