Publicado en Curiosidaes, NATURA

Topen el fósil d’un embrión de dinosauriu cercanu a la eclosión

L’exemplar taba a puntu de romper el cascarón cola cabeza, igual que fadría un pitucu (polluelu). L’afayu revela una nueva semeyanza ente dinosaurios y aves.

L’embrión nomáu ‘Baby Yingliang’ foi afayáu na localidá china de Ganzhou y según los investigadores pertenez a un dinosauriu terópodo melláu o oviraptorosaurio. Estímase que tien, al menos, 66 millones d’años.

El güevu de dinosauriu pasara más de diez años nel depósitu d’un muséu d’hestoria natural chinu, pero un equipu de paleontólogos empobináu por Lida Xing, de la Universidá de Geociencias de China, abriolu apocayá y nel so interior atopó un fósil d’embrión de dinosauriu perbién calteníu. [Equí vese n’una semeya]

L’exemplar tendría ente 66 y 72 millones d’años. A los investigadores non solo sosprendió-yos l’escelente estáu de caltenimientu de «Baby Yingliang» (el llamatu que recibió l’embrión), sinón tamién la so postura: esta era similar a la de les aves modernes, que poco primero de salir del cascarón escuenden la cabeza so les nales y enrosquen el cuerpu, como describe l’equipu de Xing na revista iScience. Poro, esi mecanismu d’eclosión podría remontase a los dinosaurios.

L’embrión pertenez a Oviraptorosauria, un grupu de dinosaurios non voladores con plumes que caminaben sobro dos pates y taben dotaos d’un picu ensin dientes. L’espécime topose nuna posición que nunca se reparó nun fósil de dinosauriu: la so cabeza asitiase ente les pates doblaes, reposando sobro’l banduyu, y la so cola ta llixeramente enroscada. El güevu tien unos 17 centímetros de llargor, anque l’embrión espurríu midiría unos 27 centímetros dende la cabeza hasta la cola.


  • El espectacular fósil fue descubierto por primera vez en el Parque Industrial Shahe en la ciudad de Ganzhou, provincia de Jiangxi.
  • Pertenecía a una especie de dinosaurios terópodos con pico y desdentados, u ‘oviraptorosaurios’, como los llaman los expertos.
  • Baby Yingliang es uno de los embriones de dinosaurio más completos que se conocen y habría medido 10,6 pulgadas de largo.
  • Su postura es más cercana a las que se ven en las aves embrionarias de hoy en día de lo que normalmente se ve entre los dinosaurios.
  • El hallazgo sugiere que este comportamiento, llamado plegado, que ayuda a la eclosión, probablemente surgió primero en los terópodos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *