Publicado en NATURA

Superlluna rosa

El 27 d’abril, a les 05:31 hora peninsular española, va ser la lluna llena d’abril. Va Ser una superluna porque la Lluna va tar barganal del so perigeo. El perigeo ye’l puntu más cercanu a la Tierra de la órbita llunar.

Dientro poco la lluna llena va allumar los nuesos cielos Y faelo mientres trés nueches. Apunta nel to calendariu: va algamar la so máxima rellumanza la nueche del 26 al 27 d’abril, concretamente a les 05:31 (hora peninsular española), según l’Institutu Xeográficu Nacional (IGN).

Mientres munchos sieglos, los europeos y les tribus natives americanes nomaron les llunes nel hemisferiu norte según la dómina que marcaben. Nel casu de la lluna d’abril, fai referencia al momentu del añu en que les flores llucen más colorides.

Hai una en particular que, según delles publicaciones, ye la responsable de que se conoza como ‘lluna rosa’ y non d’otru color: la llamada Moss Phlox, que solía cubrir el suelu d’allegres tonos rosados.

A lo llargo del añu suelen dase 12 llunes llenes, anque hai años que son una esceición, como’l 2020, cuando tuvimos 13. Cada unu d’esos plenillunios asocede nun momentu distintu de la órbita de la Lluna. Unes vegaes ta más barganal de la Tierra y, otres, más alloñada.

El 27 d’abril el nuesu satélite va tar barganal de lo que se conoz como’l perigeo, el puntu más cercanu a la Tierra de la so órbita. Esto va faer que la veamos más grande y brillante de lo habitual. Esta va ser, xuntu cola de mayu, la lluna llena más grande que veamos nel 2021. Asina que merez la pena mirar al cielu dende un llugar escuro y silencioso.

El 26 de mayu va tener llugar, como dicimos, la próxima *superluna del añu, conocida como lluna de les flores o lluna de llebre, ente otros calificativos. Tanto la de mayu como la d’abril van producise a una distancia de la Tierra inferior a los 358.000 kilómetros.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *