La semeya del chef José Andrés, realizáu por Kadir Nelson para la serie Retrato d’una nación del Institutu Smithsonian.
El cocineru José Andrés fíxose un buecu na llista de «Tapes Magazine» gracies a el so documental «José Andrés y familia n’España»
La revista gastronómica Tapes Magacín ellaboró una llista de los cincuenta más creativos de la gastronomía n’España, na qu’incluyó a «fotógrafos, ilustradores, publicistes, arquitectos interioristes, productores (y vendedores de productu), panaderos, bodegueros, queseros y, lóxicamente, a cocineros y reposteros que destaquen pola creatividá a la de dedicase al so trabayu» . Ente ellos atopa l’afamáu cocineru asturianu José Andrés.
José Andrés, el chef de 56 años nacíu en Mieres, consiguió entrar nesta llista gracies a el so nuevu documental José Andrés y familia n’España para HBO. Nél amuesa la xeografía española al traviés de la gastronomía de cada llugar. Concretamente, nel quintu capítulu’l mierense y les sos trés fíes, Carlota, Lucía ya Inés, percuerren Asturies nuna odisea culinaria llena d’aventures y anécdotes na que visitaron llugares como Cabu Vidio, Uviéu, San Feliz o los Picos d’Europa. Nel so viaxe pol Principáu, visitaron tamién a dellos chefs como Xune Andrade, Nacho Manzano, Dulce Martínez o Marcos Morán.
El cocineru asturianu cunta tamién con dellos restoranes partíos ente España y Estaos Xuníos y ye el fundador de la organización World Central Kitchen, cola qu’ayudó en conflictos como’l d’Ucrania o n’Haití mientres la escasez d’alimentos provocada pol terremotu qu’afaró la isla en 2010.
Al pie de José Andrés completen la llista de los cincuenta más creativos nomes como Albert Vilar, Ferrán Adriá, los hermanos Roca, Dabiz Muñoz, Elena Arzak o Marc Coloma y Bernar Añaños, fundadores de Foods for Tomorrow.
