Publicado en Día de...

Día de les Biblioteques

Cartelu diseñáu por Mayte Alvarado.

La Dirección Xeneral del Llibru y Fomentu de la Llectura impulsa la celebración n’España del DÍA DE LES BIBLIOTEQUES, el 24 d’ochobre de 2021.

BIBLIOTEQUES: LLEER, APRENDER, AFAYAR

La edición de 2021, sol lema “BIBLIOTEQUES: LLEER, APRENDER, AFAYAR» céntrase en destacar el papel de les biblioteques de distinta tipoloxía como espacios llibres, diversos y abiertos para l’accesu a la cultura y la conocencia, a partir de la llectura y del conxuntu de recursos que dexen l’aprendizaxe y faen posible el descubrimientu d’otres idees, otres persones, otres cultures y otros mundos.

Disponible pa la so descarga’l cartelu n’asturianu pol Día de les Biblioteques

La campaña entámala’l Ministeriu de Cultura y Deporte de cara a esti 24 d’ochobre.

Esti domingu celébrase’l Día de les Biblioteques, enfocada principalmente a un públicu infantil y xuvenil. Esti añu tien el lema ‘Biblioteques: lleer, deprender, descubrir’.

La web del ministeriu tien disponible pa la so descarga’l cartelu n’asturianu, al igual que fixo col del Día del Llibru. Nesta ocasión edita ún diferente pa cada autonomía incorporando’l logo de cada Gobiernu, que nel casu d’Asturies ye en castellanu nes dos versiones editaes.

Pa la llingua de Lleón refierse como ‘asturleonés’, cuando n’abril usóse ‘leonés’. Mentes, pa l’asturianu sigue emplegando’l términu ‘bable’, que ye’l que ta recoyíu nel Estatutu d’Autuonomía.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *