Esta próxima fin de selmana van ser les Xornaes Gastronómiques Menú de l’Ascensión n’Uviéu. Uviéu vive la Fiesta de l’Ascensión con una gran actividá festiva y gastronómica, siendo unu de les fines de selmana de mayor arribación de visitantes a la capital del Principáu.
Tou llistu para remembrar la nuesa tradición más llabradora cola fiesta de l’Ascensión. Cuarenta y ocho restoranes ufierten dende’l xueves y hasta el domingu, el Menú de l’Ascensión. L’aportación de la hostelería d’Uviéu a les actividaes festives de l’Ascensión, que tien el so orixe nun mercáu de ganáu que se desenvolvía n’Uviéu dende fai más de 200 años.
El Conceyu nun escaez los sos raigaños rurales y recupera la so personalidá llabradora porque, nel día de L’Ascensión, conviertese nel puntu d’alcuentru del campu asturiano gracies a el so mercáu de ganáu.
- Platu de menestra, con productos de temporada
- Carne gobernada al estilu uvieín
- Tarta de quesu con cereces.
La primer referencia documentada de la tradición del mercáu de ganáu d’Uviéu data de 1752 y, de magar, caltiense constante esa tradición hasta l’actualidá. Uviéu enllenase con toos los llabradores que llegaben a la ciudá a faer los sos tratos ocupándose toles fondes y cases de comida del conceyu. Esta vieya tradición, afecha a los nuevos tiempos, sigue cumpliéndose na actualidá coles Xornaes del Menú de l’Ascensión qu’ufierten una propuesta gastronómica de productos del campu y una gran actividá en redol a esposiciones y amueses agroganaderes y etnográfiques del máximu interés.
