El Día Mundial de la Salú Oral (DMSO) celébrase tolos años el día 20 de marzu. Trátase d’una fecha internacional para conmemorar los beneficios d’una boca sana y de promover vezos saludables en salú oral, en tol Mundu. Va empobináu a toos: mozos y menos nuevos. El DMSO celebrase por iniciativa de la Federación Dental Internacional (FDI) y nél participen más de 100 países de los 5 continentes. Videu
¿Por qué’l DMSO ye importante?
Porque’l 90% de la población mundial va carecer, en dalgún momentu de la so vida, dalguna enfermedá bucodental. Muncha d’esta patoloxía puede evitase con sofitos de los gobiernos, de les asociaciones sanitaries y de la sociedá nel so conxuntu, al traviés de programes preventivos y de detección precoz. Nun podemos escaecer que la salú oral ye parte integrante de la salú global de les persones. Amás, el DMSO ufierta a tol colectivu sanitariu, una magnífica plataforma para promover l’amenorgamientu de la patoloxía oral.
¿A quién va dirixíu’l Día Mundial de la Salú Oral?
Tol mundu ta convidáu a participar nesta iniciativa: les asociaciones sanitaries, la industria, los gobiernos, los medios de comunicación, los estudiantes, los docentes, el públicu polo xeneral. Queremos animar a toos para tar seguros de que cada unu de nós, siquier el día 20 de marzu, va sonrir a la vida y va tomase un tiempu para pensar nel so salú oral.