Publicado en NATURA

Mira a estes abeyes dormiendo nes flores (un apacible apigazar ente pétalos)

  • Noticia Ecoosfera

La naturaleza decidió allantar a esti fotógrafu con una tienra escena y amosó a un par d’abeyes dormiendo nes flores.

Acurrucaes nel centru d’una flor, un par d’abeyes déxense abrazar pol suañu. ¿Les abeyes duermen? Hasta agora nun s’emprestara tanta atención al suañu de les abeyes, pero un afortunáu fotógrafu captó lo que sería la primer escena d’abeyes dormiendo en flores.

Según la ciencia, estos polinizadores duermen cuando tienen oportunidá. La mayoría duerme mientres la nueches dempués de llevar el néctar y polen del día al truébanu. Sicasí, créese que mientres el día, si nun hai polen que recoyer, les abeyes duermen en mediu del campu o tornen al truébanu.

El formosu cuadru d’abeyes dormiendo en flores

Esactamente esto foi lo que prindó’l fotógrafu Joe Neely. Gracies a xuna suerte infinita, l’artista zarapicó nun campu con dos abeyes dormiendo nes flores. Apinaes d’un aspeutu pacíficu, les abeyes xacíen acurrucaes nel centru d’una flor.

Neely reconoció que se trataba de la especie Diadasia diminuta, xuna especie montesa d’abeyes que mora nel suroeste d’Estaos Xuníos y en delles partes de México. Los machos suelen dormir nes flores, ente que les femes caven furacos so tierra.

Con seguridá, estes abeyes son dos machos, posiblemente bébedos de polen, que decidieron folgar un ratu. Ye casi hipnotizante mirar cómo tomaron xuna posición fetal pa fundise nesta flor naranxa.

Con esa cencellez, la naturaleza atopa la conexón en tou sentíu. Lo que paecía un actu normal nes flores conviertese n’unu de los cuadros más bellos de la naturaleza. Inmóviles énte’l pasu del tiempu, los polinizadores fuelguen pa dempués volver activar la cadena alimentaria del mundu enteru.

Tamién en Ecoosfera: Les abeyes usen los hongos como medicina (y esto podría evitar la so estinción)

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *