- Mercáu artesano y ecolóxico web/cartelo /cartel /
- SERIDA / FEDRASTUR /
- DOSSIER N’ASTURIANU /
¡Afaya les nueses races de ganáu autóctones y préstate! Esta fin de selmana, sábadu 11 y domingu 12 de marzu, nel Mercáu Artesano y Ecolóxico de Xixón, te proponemos un acercamientu a les races autóctones d’Asturies más importantes de la ganadería d’asturiana al traviés d’una entretenida esposición, un risonderu xuegu y fiches para colorear.
L’oxetivu de l’actividá ye dar a conocer a les races autóctones de ganáu d’Asturies, poner de manifiestu la so importancia para’l mediu rural y la nuesa ganadería, dar a conocer l’esfuerzu d’aquellos que trabayen nel so caltenimientu y destacar los valores que lleven acomuñaos como: la tradición, el curiando del mediu ambiente, la sostenibilidá o’l respetu pola biodiversidá.
Te convidamos a conocer los animales que formen parte de les races autóctones d’Asturies y que son bien relevantes na ganadería de la nuesa rexón. L’actividá entamada pola Asociación Mercáu Artesanu y Ecolóxicu cuenta col patrociniu de la Fundación Caxa Rural d’Asturies. Amás, cuenta cola collaboración de la SERIDA (Serviciu Rexonal d’Investigación y Desenvolvimientu Agroalimentario) y la FEDRASTUR (Federación de Races Autóctones Asturianes).
El Mercáu presenta una muestra completa de gremios: acebache, cueru, talla de madera, telar, repuxáu, xoyería, vidriu, papelería, pintura, piedra…
