Publicado en NATURA

Afayen cómo yera’l ritual de apareamiento de los dinosaurios

Un afayu paleontolóxicu recién da lluz sobro los rituales de cortexu que los dinosaurios acostumaben practicar pa consiguir pareya.

Una reconstrucción de Psittacosaurus que ilustra cómo se pudo haber utilizado el respiradero cloacal. Ilustración: Bob Nicholls / Paleocreations.com 2020

Xuna de les funciones naturales comunes pa los seres vivos ye la reproducción. Diverses especies de fauna y flora contemporanees tomaron caminos evolutivos p’afaer los sos mecanismos de fertilización y cortexu a les condiciones de vida de caúna. Particularmente nos animales, los rituales d´apareamiento varien según los hábitats nos que se desenvuelvan. Evidencia paleontolóxica recién demuestra qu’estes práctiques daten inclusive de la Prehistoria.

Güei, sabemos que les llagarteses, páxaros y tortúes prehistóricos teníen toos xuna característica de mancomún. Amás de convivir más o menos mientres les mesmes yeres, un afayu recién da evidencia de que compartíen un furu multifunción col que, amás de defecar, mexar y poner güevos, usaben como ferramienta pa consiguir pareya. Asina ye: paeciera qu’esta cloaca fuera un elementu clave pa los rituales d´apareamiento de los dinosaurios.

Al reparar los restos d’esti animal prehistóricu, diéronse cuenta de que cuntaba con una cloaca casi intacta. L’equipu tomó’l fósil, que dempués d’años de compactación, taba esplanáu. Sicasí, originalmente sirvió perbién para xenerar un modelu dixital en dos dimensiones, qu´eventualmente foi la pauta para construyir una versión en 3D.

Esta reconstrucción sirvió para comparar n’ónde s’atopaba esti furu en diversos animales prehistóricos. Acordies con l’equipu de Vinther, ésta podría ser una clave para descifrar el ritual d´apareamiento de diverses especies de dinosaurios. Na imaxe resaltase con un recuadru blancu la localización del mesmu nel casu del Psittacosauro, que permanez baxu resguardu nel Muséu Senckenberg d’Hestoria Natural, en Frankfurt.

La gran parte de la diversidá d’aves contemporanees evolucionaron para nun tener pene. A diferencia d’otros animales, reproducense por mediu de los besos cloacales“, nos que ponen en contactu los sos furos. Nel casu específicu del Psittacosauro, tenía dos perendengues o colgajos de piel que cubríen la mayor parte de la cloaca, dándo-y una apariencia similar a la de los cocodrilos de güei.

Según los afayos del estudiu, el pene d’estos dinosaurios remanecía del furu multiusos, del cual pudieron habese desprendíu golores que resultaben curiosos pa les sos pareyes. Cerca d’ésti, tuvieron glándules qu’ayudaren nel procesu d’atracción, amás de compartir los altos niveles de melanina propios de la cloaca. Acordies con unu de los espertos arreyaos n’estudiu, nunca antes tuviérase un acercamientu tan personal a l’anatomía d’un dinosauriu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *