Ribesella StockPhotoAstur / ISTOCK
¿Sabes en qué llugar d’Asturies xunen el mar, el ríu y los montes? Un paséu per Ribesella, la villa del oriente d’Asturies famosa pol descensu de les piragües.
Raru ye’l día en que’l Sella, el ríu que toma la so postrera curva en Ribesella, antes d’entornase nel mar, nun amanez chiscáu de canoes en distintos puntos del so trayectu. Raru ye’l día en que nun se ven piragüistes exercitando los sos brazos, yá sía nos díes más fríos y con una agua torrencial.
Ribesella ye Ribesella precisamente por esta imaxe. Entiéndese. El piragüismu, que nació en 1930 como una mera actividá recreativa, güei da llugar nesta villa a una de les competiciones más importantes del planeta desenvueltes nel cursu d’un ríu. Por eso la estampa de los sos deportistes van marcar pa siempres a esti llugar.
Regresu triunfal. El Descensu del Sella (les Piragües n’asturianu) celébrase’l primer sábadu d’agostu y consiste nuna carrera de canoes ente Les Arriondes y Ribesella, a lo llargo d’unos 20 kilómetros apinaos de rápidos/rabiones, curves y cambeos de nivel. Hasta equí la parte deportiva. Porque tamién ye una auténtica fiesta, declarada d’Interés Turísticu Internacional, con gran celebración popular, música en vivu, barres en plena cai y bien d’animación.
Anguaño asocede un fechu importante: ye la vuelta de la fiesta per tolo alto, tres el parón que supunxo la pandemia nos dos últimes ediciones. L’eventu quedó truncáu y llevóse la emoción de los festexos.
Guapes vistes. Con muncha ansiedá y mira aguarda’l so regresu pel branu nesta bella localidá, encaxada ente Llanes y Caravia y engraciada col privilexu de ser el puntu nel que conflúin el mar, el ríu y los montes. El Cantábricu enfureciu, el ríu de les canoes y los serrapatosos Picos d’Europa que retayen l’horizonte.
Una estampa que resulta particularmente formosa dende lo alto del monte Corberu, a los pies de la Ermita de la Guía, onde’l pueblu paez pequeñín. Hai que baxar dempués pa entamar paseos a cuerpu de cai y comprobar que ye, sicasí, grande en munches sorpreses.
Paseos aristocráticos. Si’l tiempu apremia, puede pasiase poles sos sableres, a cuerpu de mar. La de la Talaya, a la que s’apuerta dende’l cascu urbanu, y la de Santo Marina, l’alma de la ciudá. Pero si non, pueden entamase guapes caminaes a lo llargo y anchu del cascu urbanu.
Una d’elles ye’l Paséu de la Grúa, onde atopamos lo que se dio en llamar Ruta Histórica, una suerte de muséu al campu que, colos dibuxos del gran humorista gráficu Antonio Mingote y el guion del escritor local, Toni Xibla, retrata los momentos cruciales del conceyu. Esti simpáticu relatu, inauguráu nel añu 2007, ta compuestu por seis grandes murales de cerámica en tonos azules y sepia.
Casones esllumantes. Otru paséu ye’l que lleva por nome Princesa Letizia n’honor a la güei reina, que pasó nesti pueblu los branos de la so infancia. Equí sale al pasu la impresionante sucesión de palacetes del sieglu XIX, que son l’heriedu de cuando’l Cantábricu yera’l balneariu de l’aristocracia
