Publicado en Día de...

Día Internacional del Podcast

El 30 de setiembre ye’l Día Internacional del Podcast, un día dedicáu a esti mediu relativamente nuevu, que dende’l 2014 foi creciendo descomanadamente en númberu de siguidores per tol mundu y tien como oxetivu dar a conocer el poder del podcast na tresmisión de la conocencia y entretenimientu.

Internet camudó casi tolo que tocó dende la so creación y la forma en qu’unviamos y recibimos información, dende la escrita hasta la de vídeu. La radio tampoco foi inmune a esti cambéu, una y bones el streaming de radio ye cada vez más popular y la radio local’ adquier un significáu totalmente nuevu.

D’esti cambéu de paradigma surdió una nueva imaxe d’una vieya idea, les emisiones de radiu y, más específicamente, los programes d’entevistes/drames de radio.

Un podcast ye esencialmente un programa en serie que se paez enforma a un programa de radiu, pero que se publica nun formatu descargable o tresmitida en streaming al traviés de dellos sitios y aplicaciones, disponibles en cualquier llugar onde tenga accesu a Internet.

Hai miles o inclusive millones de podcasts disponibles en tolos xéneros imaxinables, y acaldía apaecen más y, a diferencia de les emisiones de radiu, cualesquier puede aportar a ellos dende cualquier llugar.

Na plataforma dixital iVoox hai una gran cantidá de canales de pódcast con cuentos infantiles. Cuentos lleíos y grabaos por persones que quieren compartir ratos de llectura col mundu. Y non solo eso, non. Tamién busquen con ellos aguiyar la imaxinación y el pensamientu, amás de fomentar la llectura y apurrir una ratada d’entretenimientu de les persones que los escuchen.

El 30 de setiembre del 2014, Steve Llee, el fundador de Modern Life Network (una web qu’ufierta un gran númberu de podcast rellacionaos cola tecnoloxía, estilu de vida, deportes, negocios y sociedá), celebró’l día Nacional del Podcast con una emisión de 6 hores. Viendo la repercusión del podcast a nivel internacional, camudaron de nome a esti día para llamalo Día Internacional del Podcast, convidando a los podcasters y líderes de la industria a compartir les sos hestories, esperiencies y viaxes en podcast.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *