Publicado en Asturies, Documentales, Música

TPA: ‘Patria querida’ cuenta la historia y dellos aspeutos del himnu d’Asturies

‘L’Asturies, Patria Querida’ ye un cantar popular que se convirtió nel himnu oficial de la Comunidá Autónoma del Principáu d’Asturies. TPA estrena un documental sobre esi procesu y lo que significa pa los asturianos y asturianes esta composición musical.

Baxo la direición de Xune Elipe, y cola realización de Javier Lueje, rellata la historia y dellos aspeutos d’esti cantar al traviés d’entrevistes con persones del mundu musical, cultural y políticu d’Asturies.

Esta producción d’una hora de duración trata distintos aspectos del que ye himnu oficial de la comunidad autónoma dende l’añu 1984. El programa, dirixíu y presentáu pol músicu y escritor Xune Elipe, y realizáu por Javier Lueje, cola producción executiva de Goxe Producciones, ye un percorríu pelos estremaos elementos que formen la esencia d’un cantar como l’Asturies, patria querida.

Asina, fálase del so orixe inciertu, de la so estensión xeográfica, de lo que representa pa los asturianos y asturianes, de la so estigmatización, del so componente políticu o de cómo llego a convertise nel himnu oficial d’Asturies. Too eso, amás, acompañáu d’imáxenes d’archivu.

El musicólogu Héctor Braga, el rabelista Chema Puente, los escritores Marta Mori y Ismael Arias, los gaiteros Andrea Joglar y José M. Guatiérrez, el diputáu ente’l 1983 y el 1986 Manuel Fonseca, los ex conseyeros de Cultura Manuel de la Cera (1983-1990) y Amelia Valcárcel (1993-1995), el fundador de Conceyu Bable Lluis Xabel Álvarez, el pianista Isaac Turienzo y l’ex presidente del país Pedro de Silva (1983-1991) pónense delantre la cámara pa falar de la historia, les carauterístiques musicales, la lletra y la simboloxía del ‘Asturies, patria querida’. Asina va tratase’l so orixe inciertu, la so estensión xeográfica y lo que representa pa los asturianos y asturianes, amás de la so estigmatización, del so componente políticu o de cómo llego a convertise nel himnu oficial d’Asturies nel añu 1984.

Tou ello acompañáu d’imáxenes d’archivu de momentos importantes nel devenir del himnu asturianu y versiones bien distintes del mesmu. Con producción de Goxe, TPA va emitir esti documental de 60 minutos de llargor mañana, 8 de setiembre, a les 22.35 hores.

“Ye una fecha afayadiza pa conocer cómo y porqué un cantar como l’Asturies, patria querida, tan enraigonáu nel sentimientu popular, llegó a convertise nun símbolu colectivu cola so designación como himnu oficial de la comunidá autónoma asturiana”, apunten los sos responsables.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *