Habría munchos órganos para destacar, pero equí déxovos el gran órganu sinfónicu del Santuariu de La nuesa Señora de Cuadonga. Foi construyíu ente 1996 y 1999.
L’órganu ye un preséu musical que produz soníu al conducir aire insuflao por mediu d’una turbina con un fuelle, al traviés d’unos tubos preseleccionaos dende un tecláu. Por cuenta de que cada tubería produz un solu tonu, les tuberíes apurren en conxuntos llamaos rangos, caúnu de los cualos tien un timbre y volume comunes en tola estensión del tecláu.
La mayoría de los órganos tienen munchos rangos, con distintos timbres, tonos y volumes distintos qu’el executante del preséu (llamáu organista) puede emplegar individualmente o en combinación, por aciu l’usu de controles llamaos rexistros. Puede clasificase al órganu como preséu de vientu o aerófono na categoría preseos de tecláu y, tamién, dientro de la subcategoría aire insuflao, xuntu al acordión y l´armonio.
La bendición foi oficiada por D. Atilano Rodríguez, Obispu auxiliar de la Diócesis, el 15 d’abril de 2001, añu del centenariu de la construcción de la Basílica. El conciertu inaugural corrió a cargu del Catedráticu d’Órganu de Murcia, D. Javier Artigas Pina. Y este ye un óganu que conoz perbién Fernando Álvarez Menéndez organista titular del Santuariu de Cuadonga. Semeya
Descripción técnica:
Trés teclaos manuales de 56 notes (Do-sol). Un tecláu pedalero de 30 notes (Do-fa).
Tresmisión mecánica de notes. Tresmisión eléctrica de rexistros
Combinador de rexistros computerizado, con 128 combinaciones axustables.
60 Rexistros: 48 xuegos enteros; 5 medios xuegos; 5 Acoplamientos. 2 trémolos. 3.030 tubos.