Publicado en Sin categoría

Multa a un ganaderu de Siero polos berríos d’una vaca

Nacho Fernández afirma que los denunciantes nun saben lo que ye vivir nun pueblu

Conocemos a Nacho Fernández, un ganaderu mui mozu que se fizo viral con un videu en redes onde denuncia la multa puesta a un compañeru de Siero polos berríos d’una vaca. Una denuncia puesta por vecinos relativamante nuevos que nun saben, diz Nacho, lo que ye vivir nun pueblu.

Nacho Fernández tien el remediu perfectu pa los que-yos molesta’l golor a cuchu, que tapen la ñariz con una pinza de la ropa. Tamién pa los que-yos molesta’l soníu de les esquiles, que podría ser usar tapones pa los oyíos.

Y ye qu’esti mozu ganaderu de L.lena trunfa nes redes con un videu que se volvió viral, nél hai humor y ironía pero tamién un mensaxe mui seriu pa los que protesten y denuncien a ganaderos y agricultores. Los problemes qu’afronten cola fauna xabaz, el preciu del piensu y de la carne yá ye abondo, como pa que-yos pongan multes.

El Conceyu de Siero (Asturies) multó con 300 euros a unos ganaderos de la localidá polos berríos d’una vaca dempués de que xuno de los sos vecinos denunciáralos porque asegura que lu fadiaben. Asina lo desvela la Radiotelevisión del Principáu d’Asturies, que pudo falar colos afectaos.

Según cunten, los fechos asocedieron cuando la vaca, llamada Carmina, tenía pocos meses d’edá, el pasáu mes d’avientu, pero foi esta selmana cuando recibieron la propuesta de sanción per parte del consistoriu. Los dueños del animal aseguren que ye verdá que l’animal berría «más de lo normal» porque hubo que tresllechala «de manera drástica» en sacrificando a la so madre. En declaraciones a la televisión aseguren que pueden xustificar lo asocedío anque «suena risible tener que xustificar los berríos d’una vaca».

L’acta de la Policía de la localidá asegura, según recueye la televisión asturiana, que los berríos algamaron los 74 decibelios mientres la llei de ruios establez un máximu dexáu de 55. Anque los dueños del animal aseguren que los berríos namá se producieron mientres unos díes, el denunciante niegalo y diz que s’enllargaron mientres meses. Enagora, los denunciaos recurrieron la multa, polo que’l conceyu de la localidá va tener que faer otra midida.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *