Publicado en NATURA

Capten per primer vegada un calamar xigante nadando nes fondures marines


Capten per primer vegada un calamar xigante nadando nes fondures marines; nun vas poder creer cómo lluz.

Les fondures del mar siguen siendo un misteriu para los científicos, según les misterioses criatures qu’habiten ende, tales como los calamares xigantes, criatures de quien les úniques filmaciones na so habitat fueron posibles gracies al usu de lluces coloraes y un falsu cebu; según un nuevu estudiu publicáu en Science Direct. Asina lo hai reveló nun nuevu estudiu la doctora Edith Widder, de la Ocean Research & Conservation Association (ORCA), que’l so equipu llogró esti finxu científicu en 2012.

El calamar xigante ye l’invertebráu más grande de la Tierra, algamando llargores totales d’hasta 14 metros. Anque la mayor parte del cuerpu del calamar ta formáu polos sos tentáculu llargos y tropezosos, podría pensase qu’un animal d’esti tamañu sería bono de detectar. Sicasí, el calamar xigante vive a fondures de más de 400 metros, onde enfusa bien poca lluz solar.

Para afaese a estes condiciones d’escuridá casi perpetua, el calamar xigante desenvolvió los güeyos más grandes del reinu animal. Algamando un diámetru de 30 centímetros, estos güeyos del tamañu d’un platu de comida son lo suficientemente sensibles como para ver so la lluz más tenue. Ello ye que los autores d’esti estudiu piensen que los güeyos de calamar xigante podríen tener una vista tan bona que pudieron detectar y evitar la mayoría de los submarinos o cámares submarines utilizaes enantes para intentar filmar esta especie.

Para diseñar una cámara que’l calamar xigante nun pudiera ver, Widder usó lluces de color coloráu tenue en llugar de les lluces blanques brilloses convencionales que la mayoría de los submarinos d’agües fondes o les cámares submarines usen para furar la escuridá como la tinta. Como la mayoría de los calamares nun pueden ver la lluz colorao, estes cámares seríen prácticamente invisibles para cualquier calamar cercanu.

Reparar a estos xigantes rique más que sigilo. Tamién tien d’haber una forma d’atraelos lo suficientemente abargana por que puedan ser filmados. Para encetar esti problema, Widder volvió pensar nel impresionante güeyu del calamar xigante. Anque les lluces blanques brilloses probablemente estornen a estos animales, los calamares xigantes de cutiu cacen preses d’agües fondes que crean la so propia lluz, llamada bioluminiscencia. Entós Widder construyó un señuelo llamáu Y-Jelly qu’asonsañaba la exhibición bioluminiscente d’una aguamala d’agües fondes (Atolla sp.). La pantalla azul neón del Y-Jelly suxuriría la presencia d’una comida cercana y, con suerte, averaría al calamar lo suficiente como para ser captáu pola cámara.

L’usu de lluces coloraes y el cebu Y-Jelly foi claramente una combinación ganadora, y esta tecnoloxía foi clave para filmar les primeres imaxes de calamares xigantes vivos n’agües xaponeses y estadounidenses.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *